Last updated on January 8th, 2023 at 05:09 pm
ತುಳುನಾಡ್’ದ ಪುಗಾರ್ತೆದ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇಲಂತಡೆಟ್ ಗಾಡಿ ಉಂತಾವುನೆಕ್ಕ್ ಪಾರ್ಕಿಂಗ್ ಶುಲ್ಕ ಪಾಡಿನವು ಇಂಚಪ್ಪೊಗು ಭಕ್ತೆರ್ ಬಾರೀ ವಿರೋದ ಮಲ್ತೆರ್. ಈ ವಿಷಯೊಡು
ಇಂಚೊಗು ತುಳುವಾಣಿಲಾ ವರದಿ ಮಲ್ದಿತ್ತ್ಂಡ್.
ಇತ್ತೆ ಭಕ್ತೆರ್ನ ವಿರೋದೊನು ತೂಯಿನ ಕುಡ್ಲ ಜಿಲ್ಲಾಡಳಿತ ಪಾರ್ಕಿಂಗ್ ಶುಲ್ಕ ವಸೂಲಿ ಮಲ್ಪುನೆನ್ ಉಂತಾದ್ಂಡ್. ಜನವರಿ 1ರ್ದಿಂಚಿ ಕಟೀಲ್ ದೇವಲ್ಯದಲ್ಪ ಪಾರ್ಕಿಂಗ್ ಶುಲ್ಕ ವಸೂಲಿ ಮಲ್ಪರೆ ಸುರು ಮಲ್ದಿತ್ತ್ಂಡ್. ಸಾರ್ವಜನಿಕೆರ್ನ ವಿರೋಧ ಜೋರಾಯಿನೇ ಜಿಲ್ಲಾಧಿಕಾರಿಲು ತುರ್ತು ಸಭೆ ಲೆತ್ತ್ ವರದಿ ಕೊರಿಯರೆ ಪಂಡೆರ್ ಅಂಚೆನೆ ಶುಲ್ಕ ವಸೂಲಿ ಮಲ್ಪರೆ ಬಲ್ಲಿ ಪನ್ದ್ ಮೌಖಿಕ ಆದೇಶ ಕೊರಿಯೆರ್. ಕಟೀಲ್ ದೇಲಂತಡೆತ ಆಡಳಿತ ಮಂಡಳಿ ಈ ಬಗೆಟ್ ಸುತ್ತೋಲೆ ಕಡಪುಡುಂಡು.
ಭಕ್ತೆರ್ ಕಾಣೆಕೆ ರೂಪೊಡು ಕೊರ್ತಿನ ಪನವುಡು ಮೂಜಿ ಎಕರೆ ಜಾಗೊನು ದೇಲಂತಡೆತ ಆಡಳಿತ ಮಂಡಳಿ ದೆತೊಂದ್ಂಡು. ಭಕ್ತೆರ್ನ ಪನವುಡು ದೆತೊಂದಿನ ಜಾಗೆಡ್ ಇತ್ತೆ ಭಕ್ತೆರೆಗೇ ಶುಲ್ಕ ಪಾಡುನು ಪಂಡ ಎಂಚ ಪನ್ದ್ ಸಾರ್ವಜನಿಕೆರ್ ಪ್ರಶ್ನೆ ಮಲ್ದಿತ್ತೆರ್.