Last updated on January 11th, 2023 at 03:23 pm
ಶಾಲೆಗ್ ಪೋವರೆ ಪಿದಡೊಂದಿತ್ತಿನ ಶಿವಮೊಗ್ಗದ 10ನೇ ಕ್ಲಾಸ್ದ ಆನ್ ಹೃದಯಾಘಾತವಾದ್ ತೀರಿನ ನಡಕೆ ನಡತ್ಂಡ್. ಇಂಚಪ್ಪೊಗು ಕರ್ನಾಟಕೊಡು ಜೋಕುಲು ಹೃದಯಾಘಾತೊಡು ತೀರುನ ಅಂಕೆ ದಿನೊರ್ದು ದಿನ ದಿಂಜ ಆವೊಂದುಂಡು. ಶಿವಮೊಗ್ಗ ಜಿಲ್ಲೆದ ಸೊರಬ ತಾಲೂಕುದ ಎಣ್ಣೆಕೊಪ್ಪ ಗ್ರಾಮದ ಜಯಂತ್ ರಜತಾದ್ರಯ್ಯ ಪನ್ಪಿ ಆನ್ ತೀರ್ ಪೋಯಿನಾಯೆ. ಆನವಟ್ಟಿ ಜೂನಿಯರ್ ಕಾಲೇಜಿಡ್ ಓದೊಂದಿತ್ತಿನ ಜಯಂತ್ ಕಾಂಡೆ ಶಾಲೆಗ್ ಪೋವರೆ ಪಿದಡ್ನಗ ಹೃದಯಾಘಾತವಾಂಡ್. ಜಯಂತ್ನ್ ಆಸ್ಪತ್ರೆಗ್ ಕೊನೊನಗ ಆಯೆ ತೀರಿಯೆ ಪನ್ದ್ ತೆರಿದ್ ಬೈದ್ಂಡ್.