Last updated on January 12th, 2023 at 07:38 am
ಕುಡ್ಲಡ್ ನಡಪುನ ಗಾಂಜಾ ದಂದೆದ ಇಸಯೊಡು ಒಂಜಿ ಪುಗಾರ್ತೆದ ಕಾಲೇಜಿಡ್ ಡಾಕ್ಟರ್ ಕಲ್ಪುನ ಪೊಣ್ಣುಲು, ಡಾಕ್ಟರ್ನಕುಲು ಸೇರ್ದ್ ಸುಮಾರ್ ಪೆಡ್ಲರ್‌ನಕಲೆನ್ ಪೋಲೀಸೆರ್ ಪತ್ತಿಯೆರ್.
ಯು.ಕೆ ಮೂಲದ ಪೆಡ್ಲರ್ ನೀಲ್ ಕಿಶೋರಿಲಾಲ್ ರಾಮ್ ಜೀ(38) ಪನ್ಪಿನಾಯೆ ನಗರದ ಬಂಟ್ಸ್ ಹಾಸ್ಟೆಲ್‌ಡ್ ರೂಮು ಬಾಡಯಿಗ್ ದೆತೊಂದು ಗಾಂಜಾ ಮಾರೊಂದುಲ್ಲೆ ಪನ್ಪಿ ಸುದ್ದಿ ತೆರಿನ ಸಿಸಿಬಿ ಪೋಲೀಸೆರ್ ಆಯನ್ ಪತ್ತ್‌ದಿತ್ತೆರ್. ಆಯನ ಬಾಯಿ ಬುಡ್ಪಾನಗ ನನಲಾತ್ ಸಂಗತಿಲು ಪಿದಯಿ ಬೂರ್ದಿತ್ತ್ಂಡ್.
ಕುಡ್ಲದ ಪುಗಾರ್ತೆದ ಕೆ.ಎಂ.ಸಿ ಅತ್ತಾವರ, ಕೆ.ಎಂ.ಸಿ ಮಣಿಪಾಲ, ದೇರಳಕಟ್ಟೆದ ಎನಪೋಯ ಮೆಡಿಕಲ್ ಕಾಲೇಜಿದ ಜೋಕುಲು ಬೊಕ್ಕ ಬೈದ್ಯೆರ್ ಗಾಂಜಾ ದಂದೆಡ್ ಉಪ್ಪುನ ತೆರಿದ್ ಬೈದ್ಂಡ್. 4 ಪೊಣ್ಣುಲು ಸೇರ್ದ್ ಒಟ್ಟು 10 ಜನನ್ ಪೋಲೀಸೆರ್ ಈ ವಿಷಯೊಡು ಅರೆಸ್ಟ್ ಮಲ್ತೆರ್.