Last updated on January 12th, 2023 at 05:24 pm
ಬಂಟ್ವಾಳ ತಾಲೂಕುದ ಪಾಣೆಮಂಗಳೂರುಡು ನೇತ್ರಾವತಿ ತುದೆ ಬರಿಟ್ ಭಜರಂಗದಳ ಕಲ್ಲಡ್ಕ ಪ್ರಖಂಡದ ಗೋರಕ್ಷಾ ಪ್ರಮುಖ್ ಆಯಿನ 26 ವರ್ಸದ ರಾಕೇಶ್ ಪೂಜಾರಿ ಮೆರೆನ ಪುನ ತಿಕ್ಕ್‌ದ್ಂಡ್.
ಪಾಣೆಮಂಗಳೂರುದ ಪರ ಸಂಕದ ಕೈತಲ್ ನೇತ್ರಾವತಿ ತುದೆಟ್ ಪುನ ಮಿತ್ತ್ ಬೂರ್ದಿತ್ತ್ಂಡ್. ಸಂಕೊಡು ಬೈಕ್ ತೂದು ಸಂಶಯ ಬತ್ತಿನ ಜನಕುಲು ಪೋಲೀಸೆರೆಗ್ ಮಾಯಿತಿ ಕೊರ್ದಿತ್ತೆರ್. ಪೋಲೀಸೆರ್ ಅಗ್ನಿಶಾಮಕ ಬೊಕ್ಕ ಮುರ್ಕು ಬಿರ್ಸೆರೆನ್ ಪತ್ತೊಂದು ನಾಡ್‌ನಗ ಪುನ ತಿಕ್ಕ್ಂಡ್.
ರಾಜೇಶ್ ಮೇರ್ ಭಜರಂಗದಳೊಟು ಮಸ್ತ್ ಜಬದಾರಿ ಇತ್ತಿನ ಒರಿ ನಾಯಕೆ ಆದಿತ್ತೆರ್. ಸುಮಾರ್ ಸಾಮಾಜಿಕ ಬೊಕ್ಕ ಧಾರ್ಮಿಕ ಕಜ್ಜೊಲೆಡ್ ಪಾಲ್ ಪಡೆಯೊಂದಿತ್ತೆರ್. ಎಂಚ ತೀರಿಯೆರ್ ಪನ್ದ್ ನನಲ ತೆರಿದ್ ಬೈಜಿ, ಸ್ಕೂಟರ್ ಸಂಕೊಗು ಡಿಕ್ಕಿಯಾದ್ ಆಯತತ್ತ್ ತುದೆಕ್ ಬೂರ್ಯೆರೋ ಅತ್ತ್ ಉಂದೊಂಜಿ ಜೀವ ದೆತ್ತೊನಿನ ಪ್ರಕರಣನಾ ಪನ್ದ್ ಪೋಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.