Last updated on January 13th, 2023 at 10:11 am
ಉಬಾರ್: ಪರ ಬಸ್‌ ಸ್ಟ್ಯಾಂಡ್‌ದಲ್ಪ ಇಪ್ಪುನ ಹೋಟೆಲೊಂಜೆಟ್ ಕೊರ್ನ ಕೋರಿದ ತೆನಸ್‌ಡ್ ಪುರಿ ಇತ್ತಿನ ವೀಡಿಯೋ ಒಂಜಿ ವೈರಲ್ ಆಯಿನ ಬೆರಿಟೇ, ಜಿಲ್ಲಾಡಳಿತೊದ ನಿರ್ದೇಶನೊಡು ಕೋಡೆ ಅಧಿಕಾರಿಲು ಬತ್ತ್‌ದ್ ಜಡ್ತೆ ಮಲ್ದೆರ್.
ಪುತ್ತೂರ್ ತಹಶೀಲ್ದಾರ್ ನಿಸರ್ಗ ಪ್ರಿಯ, ಉಬಾರ್ ತಹಶೀಲ್ದಾರ್ ಚೆನ್ನಪ್ಪ ಗೌಡೆರ್, ಪಿಡಿಒ ವಿಲ್ಫ್ರೆಡ್ ಲಾರೆನ್ಸ್ ರೋಡ್ರಿಗಸ್, ಪೋಲೀಸ್ ಸಬ್ ಇನ್ಸ್ಪೆಕ್ಟರ್ ರಾಜೇಶ್ ಕೆ ವಿ, ವಿಎ ಮಹೇಶ್, ಕಂದಾಯ ಇಲಾಖೆದ ಯತೀಶ್ ಮಡ್ಯೆಲೆರ್ ಅಂಚೆನೇ ಬೇತೆ ಅಧಿಕಾರಿಲೆನ ಕೂಪೆ ಗುರುವಾರ ರಾತ್ರೆ ಒರಾನೆ ದಾಳಿ ಮಲ್ತ್‌ದ್ ಜಡ್ತೆ ಮಲ್ದೆರ್.
ಮಾಸ ದೀಪುನ ಫ್ರಿಡ್ಜ್‌ಲೆನ ಪರೀಕ್ಷೆ ಮಲ್ತೆರ್. ಕೆಲ ತೆನಸ್‌ಲೆನ ಸ್ಯಾಂಪಲ್ನ್ ಪರೀಕ್ಷೆಗ್ ಕಡಪುಡ್ದ್ ಕೊರ್ತೆರ್.
ಈ ಪೊರ್ತುಡು, ಹೋಟೆಲ್ ನಡಪಾವರೆ ಬೋಡಾಪಿನ ಪಂಚಾಯತ್ ಲೈಸೆನ್ಸ್, ಆಹಾರ ವಿಭಾಗೊದ ಲೈಸೆನ್ಸ್, ಆರೋಗ್ಯ ಇಲಾಖೆದ ಲೈಸೆನ್ಸ್ ಒವ್ಲಾ ಇಜ್ಜಂದಿನೆನ್ ತೂದು ತಹಶೀಲ್ದಾರ್ ಹೋಟೆಲ್ ಮುಚ್ಚೆರ ನಿರ್ದೇಶನ ಕೊರ್ಯೆರ್. ಪೋಲೀಸೆರೆ ಒಟ್ಟುಗು ಅಧಿಕಾರಿಲು ಹೋಟೆಲ್ ಬಂದ್ ಮಲ್ತೆರ್.