Last updated on January 16th, 2023 at 02:22 pm
ತಿರುವನಂತಪುರಂಡ್ ನಡತಿನ ಮೂಜನೇ ಏಕದಿನ ಗೊಬ್ಬುಡು ಭಾರತ ಮಾಮಲ್ಲ ಅಂತರೊಡು ಶ್ರೀಲಂಕಾದ ಎದ್‌ರ್ ಗೆಂದ್‌ದ್ಂಡ್.
317 ರನ್‌ದ ಅಂತರೊಡು ಗೆಂದ್‌ದ್ ಭಾರತ ಈತ್‌ನೇಟದ ಗೆಂದಿ ಅಂತರೊಲೆಡ್ ಮಲ್ಲ ಅಂತರೊನು ತನ್ನ ಪುದರ್‌ಡ್ ಬರೆವೊಂಡು. ಸುರುಕ್ ಬ್ಯಾಟಿಂಗ್ ಮಲ್ತ್‌ದ್ 50 ಓವರ್‌ಡ್ 390 ರನ್ ಒಟ್ಟುಮಲ್ತಿನ ಭಾರತೊಗು ಎದ್‌ರಾದ್ ಗೊಬ್ಬುಗು ಜತ್ತಿನ ಶ್ರೀಲಂಕಾ 22 ಓವರ್‌ಡ್ 73 ರನ್ ಮಲ್ತ್ ಆಲ್ಔಟ್ ಆಂಡ್. ನೆತ್ತೊಟ್ಟುಗು ಭಾರತ 3-0 ಡ್ ಈ ಸರಣಿನ್ಲಾ ಗೆಂದ್ಂಡ್.
2008ಡ್ ನ್ಯೂಜಿಲೆಂಡ್, ಐರ್ಲೆಂಡ್‌ದ ಎದ್‌ರ್ 290 ರನ್‌ದ ಅಂತರೊಡು ಗೆಂದಿನ ಈತ್‌ನೇಟದ ಮಲ್ಲ ಅಂತರ ಆದಿತ್ತ್ಂಡ್. ಅವೆಕ್ ದುಂಬು ಅಫ್ಘಾನಿಸ್ತಾನೊದ ಎದ್‌ರ್ ಆಸ್ಟ್ರೇಲಿಯಾ 2015ಟ್ 275 ರನ್‌ದ ಅಂತರೊಡು ಗೆಂದ್‌ದಿತ್ತ್ಂಡ್.
ಬ್ಯಾಟಿಂಗ್‌ಡ್ ಶುಭಮನ್ ಗಿಲ್ ಬೊಕ್ಕ ವಿರಾಟ್ ಕೊಹ್ಲಿ ಶತಕ ಆಕ್‌ದ್ ಮಲ್ಲ ರನ್ ಮನ್ಪೆರ ಸಕಾಯ ಮಲ್ತೆರ್. ಭಾರತೊದ ಕಡೆರ್ದ್ ಪತ್ತ್ ಓವರ್‌ ಬೌಲಿಂಗ್ ಮಲ್ತಿನ ಮೊಹಮ್ಮದ್ ಸಿರಾಜ್ 32 ರನ್ ಕೊರ್ದು 4 ವಿಕೆಟ್ ಗೆತೊಂಡೆರ್. ಐನ್ ಓವರ್‌ ಬೌಲಿಂಗ್ ಮಲ್ತಿನ ಕುಲ್‌ದೀಪ್ ಯಾದವ್ 16 ರನ್ ಕೊರ್ದು 2 ವಿಕೆಟ್ ಗೆತೊಂಡೆರ್. ಮೊಹಮ್ಮದ್ ಶಮಿ 6 ಓವರ್‌ ಬೌಲಿಂಗ್ ಮಲ್ತ್‌ದ್ 20 ರನ್ ಕೊರ್ದು 2 ವಿಕೆಟ್ ಗೆತೊಂಡೆರ್.