Last updated on January 16th, 2023 at 05:07 pm
ಶಕಲಕ ಬೂಂ ಬೂಂ ಪನ್ಪಿನ ತುಳು ಪಿಚ್ಚರ್ ಎಲ್ಲಂಜಿ 20 ತಾರೀಕ್‌ಗ್ ಬುಡುಗಡೆ ಆವರೆಗುಂಡು. ಉಂದೆತ ಪ್ರೀಮಿಯರ್ ಶೋಟು ಪಾತೆರಿನ ಅರವಿಂದ್ ಬೋಳಾರ್ ತನ್ನ ಉಡಲ್‌ದ ದುಕ್ಕೊನು ಪಿದಯಿ ಪಾಡಿಯೆರ್. ತುಳು ಪಿಚ್ಚರ್ಲೆನ್ ಮಾತೆರ್ ತೂವೊಡು ತುಳು ಪಿಚ್ಚರ್ಗ್ ಮಾತೆರ್ ಸಪೋರ್ಟು ಮಲ್ಪೊಡು. ಇಂಚೊಗು ತುಳು ಪಿಚ್ಚರ್ಲು ಮಾತಾ ಬತ್ತ್ ಬತ್ತ್ ಬೂರ್ದು ಪೋವೊಂದುಂಡು. ಮನಸ್‌ಗ್ ಬಾರೀ ಪೋಡಿಗೆ ಆಪುಂಡು. ಅಬಿನಯ ಮಲ್ಪುನಗನೇ ಪೋಡಿಗೆ ಆಪುಂಡು, ಯಾನ್ ಈ ಪಾತ್ರೊನು ಒತ್ತೊನೊಲಿಯಾ ಬೊಡ್ಚಾ? ದಾಯೆಗ್ ಪಂಡ ಯಾನ್ ಮನಸ್‌ಡ್ ನಿಗಂಟ್ ಮಲ್ದೆ ಯಾನ್ ಒಂತೆ ಸಮಯ ಪಿಚ್ಚರ್ಲೆರ್ದ್ ದೂರ ಉಂತುವೆ. ಮೂವಿಲು ಬೂರ್ದು ಪೋನಗ ಮನಸ್‌ಗ್ ಬೇಜಾರಾಪುಂಡು. ಪ್ರೊಡ್ಯೂಸರ್ ಸೋಪುನಗ ಅರೆನ ನುಪ್ಪು ಉಂತಿನ ಎಂಕಲೆಗ್ ಬೇಜಾರಾಪುಂಡು. ನನ ದುಂಬಗ್ ಸ್ಕ್ರಿಪ್ಟ್ ಕರೆಕ್ಟ್ ಆದ್ ಬರೆಲೆ. ಜನಕ್ಲೆಗ್ ಬೋಡ್ತಿನೆನ್ ಕೊರ್ಲೆ. ಎಂಕ್ಲೆನಂಚಿನ ಕಲಾವಿದೆರೆನ್ ಪೊಕಾಡೆ ಕನತ್ ಯೂಸ್ ಮಲ್ಪೊಡ್ಚಿ ಪನ್ದ್ ಬೇಜಾರ್‌ಡ್ ಪಂಡೆರ್.