Last updated on January 21st, 2023 at 08:26 am
ಕರಿನ ವರ್ಸ ಜುಲೈ 26ಕ್ಕ್ ಬೈಕ್‌ಡ್ ಬತ್ತಿನ ರಡ್ಡ್ ದುಷ್ಕರ್ಮಿಲು ಹಿಂದೂ ಕಾರ್ಯಕರ್ತೆ ಪ್ರವೀಣ್ ನೆಟ್ಟಾರ್‌ನ್ ಕೆರ್ದಿತ್ತೆರ್. ಈ ಬಗೆಟ್ ರಾಷ್ಟ್ರೀಯ ತನಿಖಾದಳ ವಿಶೇಷ ಕೋರ್ಟುಗು 18 ಜನತ ಮಿತ್ತ್ ಚಾರ್ಜ್ ಶೀಟ್ ಕೊರ್ದು, ಪ್ರವೀಣ್ ನೆಟ್ಟಾರ್‌ನ್ ಪಾಪ್ಯಲರ್ ಫ್ರಂಟ್ ಆಫ್ ಇಂಡಿಯಾದ ಕಿಲ್ಲರ್ ಸ್ಕ್ವಾಡ್‌ದಕುಲು ಕೆರ್ತಿನಿ, ಮೊಕಲೆನ ಅಜೆಂಡಾ 2047ತ ಉಲಯಿ ಭಾರತೊಡು ಇಸ್ಲಾಮಿಕ್ ರೂಲ್ ಕನಪಿನವು ಪನ್ದ್ ಬರೆತೆರ್. ಸಮಾಜೊಡು ಕೋಮು ದ್ವೇಷ ಪರಡ್‌ದ್ ವ್ಯವಸ್ಥಿತವಾದ್ ಈ ಜಾಗೆದ ಸ್ಥಿರತೆನ್ ಪೊಡಿ ಮಲ್ಪುನ ಯೋಜನೆಡ್ ಇತ್ತೆರ್ ಪನ್ದ್ ಉಂಡು. ಈ ನಿಲೆಟ್ “ಟಾರ್ಗೆಟ್ ಜನಾಂಗ”ದಕಲೆನ್ ಕೆಲವೆರೊನ್ ಮುಗಿಪುನ ಯೋಜನೆಲಾ ಇತ್ತ್ಂಡ್.
ಪೆರಿಯ ಪಿ.ಎಫ್.ಐ ನಾಯಕೆರೆನ ನಿರ್ದೇಶನೊಟು ಮೊಕಲೆಗ್ ಕೆರ್ಪಿನ ಬಗೆಟ್ ತರಬೇತಿಲಾ ಆತ್ಂಡ್. ಕೆರ್ಪಿನ ಬಗೆಟ್ ಪಾತೆರಕತೆ ಬೆಂಗಳೂರುಡು ಬೊಕ್ಕ ಸುಳ್ಯದ ಬೆಳ್ಳಾರೆಡ್ ನಡದ್ಂಡ್. 4 ಜನನ್ ಕೆರ್ಪಿನ ಯೋಜನೆ ಇತ್ತ್ಂಡ್ ಅವೆಟ್ ಪ್ರವೀಣ್ ನೆಟ್ಟಾರ್‌ಲಾ ಒರಿ.
ಚಾರ್ಜ್ ಶೀಟ್‌ಡ್ ಆರೋಪಿಲಾದ್ ಮಹಮ್ಮದ್ ಶಿಯಾಬ್, ಅಬ್ದುಲ್ ಬಶೀರ್, ರಿಯಾಝ್, ಮುಸ್ತಫಾ ಪೈಚಾರ್, ಮಸೂದ್, ಮಹಮ್ಮದ್ ಶರೀಫ್, ಅಬುಬಕ್ಕರ್ ಸಿದ್ದೀಕ್, ನೌಫಲ್, ಇಸ್ಮೈಯಿಲ್ ಶಫಿ, ಮಹಮ್ಮದ್ ಇಕ್ಬಾಲ್, ಶಹೀದ್, ಶಫೀಕ್, ಉಮರ್ ಫಾರೂಕ್, ಅಬ್ದುಲ್ ಕಬೀರ್, ಮಹಮ್ಮದ್ ಇಬ್ರಾಹಿಂ ಷಾ, ಸೈನುಲ್ ಅಬೀದ್, ಶೇಕ್ ಸದ್ದಾಂ ಹುಸೇನ್, ಜಾಕೀರ್, ಅಬ್ದುಲ್ ಹಾರೀಸ್, ತುಫೈಲ್‌ನ ಪುದರ್ ಉಂಡು.