Last updated on January 22nd, 2023 at 07:56 am
ವಿತ್ತ ಸಚಿವೆದಿ ನಿರ್ಮಲಾ ಸೀತರಾಮನ್ ಮೇರ್ ಫೆಬ್ರವರಿ 1ಕ್ಕ್ ಕೇಂದ್ರ ಬಜೆಟ್ ಮಂಡನೆ ಮಲ್ಪರೆಗುಲ್ಲೆರ್. ಬಿಲೆ ಎರ್ತೆ, ಬೇಲೆದ ಮಾರ್ಕೆಟ್‌ಡ್ ಮಿತ್ತ್ ತಿರ್ತ್ ಆದ್ ಬಂಞೊಡು ಉಪ್ಪುನ ನಡುವಾಡ್ ಜನಕುಲು ಕೆಲವು ಯೋಜನೆಲೆನ್ ಎದ್ಕೆನೊಲಿ ಪನ್ದ್ ಆರ್ಥಿಕ ತಜ್ಞೆರ್ ಪನೊಂದುಲ್ಲೆರ್. ಉಂದು 2024ನೇ ಲೋಕಸಭೆತ ಓಟುದ ಎದುರುದ ಅಕೇರಿನ ಪತ್ತ ಬಜೆಟ್.
ಆದಾಯ ತೆರಿಗೆ ಕಮ್ಮಿ ಆವು ಅಂಚೆನೆ ಟ್ಯಾಕ್ಸ್ ಸ್ಲಾಬ್ ಬದಲ್ ಆವು ಪನ್ಪಿ ಅಂಗಲಪ್ಪು ಉಂಡು. 2016-17 ರ್ದ್ ಬೊಕ್ಕ ಒರಲ ಟ್ಯಾಕ್ಸ್ ಸ್ಲಾಬ್ ಬದಲ್ ಆತಿಜಿ, ಕಾಲಿ ಒರ ಪೊಸ ಇನ್‌ಕಂ ಟ್ಯಾಕ್ಸ್ ರೆಜಿಮೆ ಬೈದಿನಿ ಮಾತ್ರ. ಪೊಸ ರೆಜಿಮೆಡ್ 30% ಇತ್ತಿನೆನ್ ಪೊಸ ಬಜೆಟ್‌ಡ್ 25% ಮಲ್ಪುನ ಸಾಧ್ಯತೆ ಉಂಡು.