ಕರ್ನಾಟಕದ ಓಟುದ ಕಲೊಕು ಸಾಮೂಹಿಕ ನಾಯಕತ್ವೊಡು ಜಪ್ಪುವ : ಬೊಮ್ಮಾಯಿ

Last updated on January 22nd, 2023 at 12:31 pm

ಕೇಂದ್ರ ಗೃಹ ಮಂತ್ರಿ ಅಮಿತ್ ಷಾ ಮೇರ್ ಕರ್ನಾಟಕದ ಓಟುನು ಬೊಮ್ಮಾಯಿನ ನಾಯಕತ್ವೊಡು ಬಿಜೆಪಿ ಪೋಪುಂಡು ಪಂಡೆರ್ಡಲಾ ಅವೆತ ಅರ್ಥ ಯಾನ್ ಒರಿಯೇ ಮುಖ್ಯ ಪನ್ದ್ ಅತ್ತ್ ಪನ್ದ್ ಮುಖ್ಯಮಂತ್ರಿ ಬೊಮ್ಮಾಯಿ ಪಂಡೆರ್. ಬಿಜೆಪಿ ಪಕ್ಷ ಒಂಜಿ ಟೀಮ್ ಲೆಕ್ಕ ಬೇಲೆ ಮಲ್ತ್ ಸಾಮೂಹಿಕ ನಾಯಕತ್ವೊಡು ಓಟುದ ಕಲೊಕು ಜಪ್ಪುಂಡು ಪನ್ದ್ ಪಂಡೆರ್.

ಶ್ರೀ ಶಿವಕುಮಾರ ಸ್ವಾಮೀಜಿನ ನಾಲನೇ ವರ್ಸೊದ ಪುಣ್ಯಸ್ಮರಣೆದ ಚಾವಡಿಡ್ ಪಾತೆರಿನ ಬೊಮ್ಮಾಯಿ, ಶಿವಕುಮಾರ ಸ್ವಾಮೀಜಿಲು ಸಮಾಜೊಗು ಕೊರ್ತಿನ ಕೊಡುಗೆನ್ ನೆಂಪು ಮಲ್ಪರೆ ದಾಸೋಹ ದಿನ ಪನ್ದ್ ಫೆಬ್ರವರಿಟ್ ಮಲ್ಪುಂಡು. ಮಠೊಕುಲು ಆನಿ ಮಲ್ಲ ಮಟ್ಟ್‌ಡ್ ಅನ್ನದಾನ ಮಲ್ಪೊಡು ಪನ್ದ್ ಪಂಡೆರ್. ಸ್ವಾಮೀಜಿಲೆನ ಪುಟ್ಟಿಊರು ವೀರಾಪುರೊಡು ಅರೆನ ಮೂರ್ತಿ ಮಲ್ಪುನ ಬೇಲೆ ಬೇಗೊಡೇ ಆಪುಂಡು ಪನ್ದ್ ಪಂಡೆರ್.