Last updated on January 23rd, 2023 at 01:29 pm
ಕರ್ನಾಟಕ ಸರಕಾರದ ಮಾಜಿ ಜಲಸಂಪನ್ಮೂಲ ಮಂತ್ರಿ ರಮೇಶ್ ಜಾರಕಿಹೊಳಿ, ಬಿಜೆಪಿ ಒಂಜಿ ವೋಟುಗು 6000 ಕೊರ್ಪುಂಡು ಪನ್ದ್ ವಿವಾದಾತ್ಮಕ ಪಾತೆರ ಪಂತೆರ್. ಬೆಳಗಾವಿದ ಸೂಳೆಬಾವಿ ಗ್ರಾಮೊಡು ನಡತೊಂದಿತ್ತಿನ ಸಮಾವೇಶೊಡು ಕಾಂಗ್ರೇಸ್ ನಾಯಕಿ ಲಕ್ಷ್ಮಿ ಹೆಬ್ಬಾಳ್ಕರ್ನ ವಿರುದ್ದ ಪಾತೆರುನ ಬರಸ್‌ಡ್ ಮೇರ್ ಇಂಚ ಪಂಡೆರ್. ಆಲ್ ಮುಲ್ಪದ ವೋಟರ್ನಕಲೆಗ್ ಗಿಫ್ಟ್ ಕೊರ್ಪೊಲು. ಆಲ್ ಇತೋರ್ತು ಕುಕ್ಕರ್ ಮಿಕ್ಸಿ ಕೊರ್ದಿಪ್ಪೊಲು, ಉಂದೆತ ಕಿರಯ 1000 ಆಪುಂಡು ಆತೇ. ನನ ಕುಡ ಗಿಫ್ಟ್ ಕೊರುವೊಲು, ಮಾತಾ ಸೇರಾಂಡ 3000 ಲಾ ಆಪುಜಿ. ಯಾನ್ ನಿಕಲೆಡ ದಾದ ಕೇನೊನು ಪಂಡ ಒಂಜಿ ವೇಳೆ ಎಂಕಲೆನ ಅಭ್ಯರ್ಥಿ 6000 ಕೊರ್ಜೊರ್ಡ ನಿಕುಲು ಎಂಕಲೆಗ್ ವೋಟ್ ಪಾಡೊಡ್ಚಿ ಪನ್ದ್ ಪಂಡೆರ್.
ಉಂದೆಕ್ ಉತ್ತರ ಕೊರಿನ ಬಿಜೆಪಿ, ಎಂಕ್ಲೆನ ಪಕ್ಷೊಡು ಅಂಚಿನ ಪೂರಾ ವಿಷಯೊಲೆಗ್ ಜಾಗೆ ಇಜ್ಜಿ. ಎಂಕುಲು ಒಂಜಿ ಆದರ್ಶೊನು ಪತೊಂದು ಸಂಘಟನೊ ಮಲ್ದ ಅಂಚಾದ್ ನರೇಂದ್ರ ಮೋದಿನ ನೇತೃತ್ವೊಡು ಅಧಿಕಾರೊಗು ಬೈದ. ಏರೋ ದಾದನಾ ಪಾತೆರ ಪಂಡೆರ್ಡ ಅವ್ ಪಕ್ಷದ ಪಾತೆರ ಆಪುಜಿ ಅವ್ ಅಕಲೆನ ವೈಯಕ್ತಿಕ ಅಭಿಪ್ರಾಯ ಆಪುಂಡು ಪನ್ದ್ ಪಂಡೆರ್.