Last updated on January 25th, 2023 at 08:15 am
ಬೆಳಗಾವಿನ್ ಪತೊಂದು ಕರ್ನಾಟಕ ಬೊಕ್ಕ ಮಹಾರಾಷ್ಟ್ರದ ಗಡಿ ವಿವಾದ ಸುಪ್ರೀಂ ಕೋರ್ಟುಡು ಉಂಡು. ಉಂದೆತ ಕಾನೂನು ತಜ್ಞೆರೆನ ಸಮಿತಿಗ್ ಒಂಜಿ ದಿನೊಕು 60 ಲಕ್ಷೊನು ಕರ್ನಾಟಕ ಸರಕಾರ ಕರ್ಚಿ ಮಲ್ತೊಂದುಂಡು ಪನ್ದ್ ತೆರಿದ್ ಬೈದ್ಂಡ್.
ಲೀಗಲ್ ಟೀಮ್ ಮುಕುಲ್ ರೊಹಾಟ್ಗಿನ ನೇತೃತ್ವೊಡು ದಿನೊಕು 60 ಲಕ್ಷೊನು ಫೀಸ್ ಬೊಕ್ಕ ಬೇತೆ ಕರ್ಚಿಗ್ ದೆತೊನೊಂದುಂಡು ಪನ್ದ್ ರಾಜ್ಯದ ಕಾನೂನು ಇಲಾಖೆ ತೆರಿಪಾದ್ಂಡ್. ಈ 60 ಲಕ್ಷೊಡು ಅಡ್ವೊಕೇಟ್‌ನಕುಲು ಉಪ್ಪುನ ಸ್ಟಾರ್ ಹೊಟೇಲ್ದ ಬಿಲ್ಲ್ ಸೇರ್ದಿಜ್ಜಿ, ಉಂದೆನ್ ಕುಡ ಬೇತೆನೆ ಸರಕಾರ ಕೊರ್ಪುಂಡು.
ರೊಹಾಟ್ಗಿ ಒರಿಯಗೇ ದಿನೊಕು 22 ಲಕ್ಷ ರೂಪಾಯಿ ಸರಕಾರ ಕೊರ್ಪುಂಡು. ಸುಪ್ರೀಂ ಕೋರ್ಟುಡು ಈ ವಿಚಾರಣೆ ಬರ್ಪಿ ತಿಂಗೊಲು ನಡಪುಂಡು.