Last updated on January 27th, 2023 at 09:21 am
ಒಡಿಪುದ ಕುಂದಾಪುರದ ಮುದೂರುಡು ಸಂಚಾರಿ ಪುನ ಪೊತ್ತಾವುನ ಮಿಷಿನ್ ಬುಡುಗಡೆ ಆಂಡ್. ಮುದೂರುಡು 600 ಇಲ್ಲುಲು ಉಲ್ಲ, ಆಂಡ ಮುಲ್ಪ ಏರಾಂಡಲ ಸೈತ್ಂಡ 40 ಕಿಲೋ ಮೀಟರ್ ದೂರದ ಕುಂದಾಪುರದ ಸ್ಮಶಾನೊಗು ಕೊನೊಡಿತ್ತ್ಂಡ್. ಉಂದೆನ್ ತೂಯಿನ ಮುದೂರು ಕೃಷಿ ಸೊಸೈಟಿದಕುಲು ಜನಕುಲೆಗ್ ಉಪಯೋಗ ಆಪಿನ ಸಂಚಾರಿ ಪೊತ್ತಾವುನ ಮಿಷಿನ್‌ನ್ ಕೇರಳದ ಸಂಸ್ಥೆರ್ದ್ 5.8 ಲಕ್ಷೊಗು ಕನತೆರ್.
10 ಕೆ.ಜಿದ ಎಲ್‌ಪಿಜಿ ಸಿಲಿಂಡರ್ ಗಲಸ್ದ್ ಈ ಮಿಷಿನ್ ಕಾಲಿ 2 ಗಂಟೆಡ್ ಪುನೊನು ಬೊಞ ಮಲ್ತ್ ಪಾಡುಂಡು. ಈ ಗಾಡಿನ್ ಲೆತ್ತಿನಡೆ ಕೊನೊಲಿ. ಉಂದು ದರ್ಮೊಗು ಕಡಪುಡುನ ನಿರ್ಧಾರೊನು ಸೊಸೈಟಿದಕುಲು ಬೈದೆರ್. ಉಂದೆಟ್ ಪುನ ಪೊತ್ತುನಗ ಒವ್ವೇ ಪೊತ್ತುನ ಗಾಟ್ ಬರ್ಪುಜಿ. ಉಂದು ಸ್ಟೀಲ್‌ಡ್ ಮಲ್ದಿನ ಆಜಿ ಫೀಟ್ ಉದ್ದ ಉಂಡು.