Last updated on February 2nd, 2023 at 09:12 am
ಅಹ್ಮದಾಬಾದ್: ಮೂಜಿ ಗೊಬ್ಬುಲೆನ ಟಿ20 ಸೀರೀಸ್‌ಡ್ ಒಂಜೊಂಜಿ ಗೊಬ್ಬುಲೆನ್ ಗೆಂದ್‌ದ್ ಸಮಬಲೊಟು ಇತ್ತಿನ ಭಾರತ ಬೊಕ್ಕ ನ್ಯೂಜಿಲೆಂಡ್‌ ಮೂಜನೇ ಗೊಬ್ಬುನು ಎಂಚಾಂಡಲಾ ಗೆಂದೊಡೇ ಪನ್ಪಿ ಸ್ಥಿತಿಟ್ ಇತ್ತೆರ್.
ಸುರುಕು ಬ್ಯಾಟಿಂಗ್ ಮಲ್ತಿನ ಭಾರತ ಶುಭಮನ್ ಗಿಲ್‌ರೆನ ಶತಕೊಡು 20 ಓವರ್‌ಡ್ 4 ವಿಕೆಟ್ ಕಲೆವೊಂದು 234 ರನ್ ಮಲ್ತ್ಂಡ್.
ಈ ಮಲ್ಲ ರನ್‌ದ ಈಡ್‌ನ್ ಬೆರಿಪತ್ತೆರ ಪಿದಡಿನ ನ್ಯೂಜಿಲೆಂಡ್‌ ಸುರೂರ್ದೆ ವಿಕೆಟ್‌ಲೆನ್ ಕಲೆವೊಂದು ಪೋಂಡು. ಡೆರಿಲ್ ಮಿಷೆಲ್ ಒರಿ ಬುಡ್ಂಡ ಬೇತೆ ಏರ್ಲಾ ಉಂತುದು ರನ್ ಮನ್ಪುನ ತೋಜಿಜಿ. ಒರಿಯನ ಬೆರಿಯೆ ಒರಿ ಔಟಾದ್ ಕಡೆಕ್ 12.1 ಓವರ್‌ಡ್ ಮಾತ ವಿಕೆಟ್ ಕೊರ್ದು 66 ರನ್ ಮಾತ್ರ ಮನ್ಪೆರ ಸಾಧ್ಯ ಆಂಡ್.
168 ರನ್‌ಡ್ ಗೆಂದಿನ ಈ ಗೊಬ್ಬು ಭಾರತೊದ ಈತ್ನೇಟದ ಮಾಮಲ್ಲ ಟಿ20 ಗೆಲ್ಮೆ ಆದಿತ್ತ್ಂಡ್.
ಬೌಲಿಂಗ್‌ಡ್ ಟೀಂ ಇಂಡಿಯಾ ನಾಯಕೆ ಹಾರ್ದಿಕ್ ಪಾಂಡ್ಯೆರೆಗ್ ಮ್ಯಾನ್ ಆಫ್ ದ ಸೀರೀಸ್ ಪಟ್ಟ ತಿಕ್ಕ್ಂಡ ಶತಕದ ಗೊಬ್ಬು ಗೊಬ್ಬಿನ ಶುಭಮನ್ ಗಿಲ್‌ರೆಗ್ ಮ್ಯಾನ್ ಆಫ್ ದ ಮ್ಯಾಚ್ ಮಾನಾದಿಗೆ ತಿಕ್ಕ್ಂಡ್.