Last updated on February 2nd, 2023 at 11:07 am
ಮೋಕೆ ಮಲ್ತೊಂದಿತ್ತಿನ ಪೊಣ್ಣಗ್ ಮೆಸೇಜ್ ಮಲ್ತಿನ ಆನನ್ ಪೊಣ್ಣನ ಸಂಬಂದಿಕೆರ್ ಕೆರ್ದ್ ಆನನ ಪುನನ್ ಚಾರ್ಮಾಡಿ ಘಾಟಿಡ್ ದಕ್ಕಿನ ನಡಕೆ ಬೆಂಗಳೂರುಡು ನಡತ್ಂಡ್.
ತೀರಿನ ಆನ್ ಬೆಂಗಳೂರುದ ಮತ್ತಿಕೆರೆತ ಗೋವಿಂದರಾಜು ಪನ್ದ್ ತೆರಿದ್ ಬೈದ್ಂಡ್. ಗೋವಿಂದರಾಜು ತನ್ನ ಸಂಬಂದದವೇ ಆಯಿನ ಪೊಣ್ಣನ್ ಒರೇತಿನ್ ಮೋಕೆ ಮಲ್ತೊಂದಿತ್ತೆ. ಉಂದೆಕ್ ಇಲ್ಲದಕಲೆನ ವಿರೋಧ ಇತ್ತ್ಂಡ್. ಇಂಚಪ್ಪೊಗು ಗೋವಿಂದರಾಜು ಪೊಣ್ಣನ ಮೊಬೈಲ್‌ಗ್ ಮೆಸೇಜ್ ಕಡಪುಡಿನ ತೂದು ಪೊಣ್ಣನ ಸಂಬಂದದಕುಲಾಯಿನ ಭರತ್, ಅನಿಲ್ ಬೊಕ್ಕ ಅಕಲೆನ ರಡ್ಡ್ ಪಾಯಾಡಿಲು ಗೋವಿಂಜರಾಜುನು ಕೆರ್ದ್ ಪುನೊನು ಚಾರ್ಮಾಡಿ ಘಾಟಿಗ್ ಕನತ್ ದಕ್ಕ್‌ದೆರ್.