Last updated on February 2nd, 2023 at 08:11 pm
ಪೋವೊಂದಿತ್ತಿನ ಕಾರ್‌ಡ್ ಒರರ್ದ್ ಒರಾನೆ ಸೂ ಪೊತ್ತ್‌ದ್ ಕಾರ್ದುಲಯಿ ಇತ್ತಿನ ಬಂಜಿನ ಪೊಂಜೊವು ಬೊಕ್ಕ ಕಂಡನಿ ಪೊತ್ತ್‌ದ್ ಪೋತಿನ ಕಲುನಡಕೆ ಕಣ್ಣೂರ್ ಜಿಲ್ಲಾಸ್ಪತ್ರೆದಲ್ಪ ನಡತ್‌ದ್ಂಡ್.
ಕುಟ್ಟಿಯತ್ತೂರ್ ಕರಂಬುದ ಪ್ರಜಿತ್ (32) ಬೊಕ್ಕ ಆರೆನ ಬೊಡೆದಿ (26) ರೀಶಾ ದುರ್ದೈವಿಲು. ಮೊಕುಲು ಕುಟ್ಟಿಯತ್ತೂರ್ ಜಿಲ್ಲಾಸ್ಪತ್ರೆಗ್ ಬನ್ನಗ ಈ ನಡಕೆ ನಡತ್‌ದ್ಂಡ್.
ಪ್ರಜಿತ್ ಬೊಕ್ಕ ರೀಶಾ ರಡ್ಡ್ ಜನೊಲಾ ಗಾಡಿದ ಎದ್‌ರ್‌ದ ಸೀಟ್‌ಡ್ ಕುಲ್ದಿತ್ತೆರ್. ಪಿರವುದ ಸೀಟ್‌ಡ್ ಒಂಜಿ ಬಾಲೆ ಸೇರ್ದ್ ನಾಲ್ ಜನ ಇತ್ತೆರ್. ಸೂ ಪೊತ್ತಿಲೆಕನೆ ಗಾಡಿ ಬುಡೊಂದಿತ್ತಿನ ಪ್ರಜಿತ್, ಪಿರವುದ ಡೋರ್ ಗೆತ್ತ್‌ದ್ ಪಿರವುಡಿತ್ತಿನಕಲೆನ್ ಪಿದಯಿ ಬುಡ್ತೆರ್. ಆಂಡ ತಾನ್ ಪಿದಯಿ ಬರ್ರ ಎದ್‌ರ್‌ಡ ಡೋರ್ ಗೆಪ್ಪುನಗ ಡೋರ್ ಓಪನ್ ಆತಿಜಿ. ಅಗ್ನಿಶಾಮಕದಳೊತಕುಲು ಬತ್ತ್‌ದ್ ಜಾಮ್ ಆದಿತ್ತಿ ಡೋರ್‌ನ್ ಪುಡತ್‌ದೆರ್. ಆಂಡ ಆತ್ ಪೊರ್ತುಗಾನಗ ಪ್ರಜಿತ್ ಬೊಕ್ಕ ರೀಶಾ ಜೀವಪ್ಪ ಪೊತ್ತ್‌ದ್ ಪೋದಿತ್ತೆರ್.