Last updated on February 6th, 2023 at 08:41 am
ಶಾಲೆದ ಎಸ್‌ಡಿಎಂಸಿ, ಪೆರಿಯ ಶಿಕ್ಷಕಿ ಇಜಿಂಡ ಕ್ಷೇತ್ರ ಶಿಕ್ಷಣಾಧಿಕಾರಿ ಏರೆಗ್ಲಾ ತೆರಿಪಾವಂದೆ ಟೀಚರ್ ಒರ್ತಿ ಶಾಲೆದ ಜೋಕುಲೆನ್ ಟ್ರಿಪ್‌ಗ್ ಲೆತೊಂದು ಪೋದು ಮಾತೆರ್ ಪೋಡ್ಯುಲೆಕ್ಕ ಮಲ್ತಿನ ನಡಕೆ ಪುತ್ತೂರು ತಾಲೂಕುದ ಬೀರ್ನಬಿತ್ತಿಲ್ ಸರಕಾರಿ ಶಾಲೆಡ್ ಶನಿಯಾರ ನಡತ್ಂಡ್.
ಶಾಲೆದ ಟೀಚರ್ ಒರ್ತಿ 28 ಜನ ಜೋಕುಲೆನ್ ಲೆತೊಂದು ಟ್ರಿಪ್ ಪೋದಿತ್ತೆರ್. ಆಂಡ ಉಂದೆತ ಬಗೆಟ್ ಏರೆಗ್ಲಾ ತೆರಿಪಾದಿತ್ತ್‌ಜೆರ್. ಆನಿಯೇ ಕೆಮ್ಮಾಯಿ ವಿಷ್ಣುಮೂರ್ತಿ ಜಾತ್ರೆ ಇತ್ತಿನೆರ್ದಾವರ ಮಸ್ತ್ ಜೋಕುಲು ಶಾಲೆ ತಪ್ಪಾದಿತ್ತೆರ್. ಉಂದೆತ ನಡುಟು ಟೀಚರ್ ಜೋಕುಲೆನ್ ಟ್ರಿಪ್‌ಗ್ ಕೊನೊದು ಒಟ್ಟು 38 ಜನ ಜಾಲೆಡ್ ಇತ್ತುಜೆರ್. ಏತ್ ಜನ ಟ್ರಿಪ್‌ಗ್ ಪೋತೆರ್ ಪನ್ಪಿ ಇಸಯ ಬಯ್ಯ ಮುಟ್ಟಲ ತೆರಿದಿತ್ತಿಜಿ. ವಾ ಗಾಡಿಡ್ ಪೋತೆರ್ ಪನ್ದ್‌ಲಾ ತೆರಿದಿತ್ತಿಜಿ. ಅವ್ ಅತ್ತಂದೆ ಜೋಕುಲೆನ್ ಲೆತೊಂದು ಪೋತಿನ ಟೀಚರ್ನ ಮೊಬೈಲ್‌ಲಾ ಸ್ವಿಚ್ ಆಫ್ ಆದಿತ್ತ್ಂಡ್, ಉಂದೆರ್ದ್ ಬೊಕ್ಕಲ ಪೋಡಿಗೆ ದಿಂಜಿದಿತ್ತ್ಂಡ್. ಟೀಚರ್ನ ಮೊಬೈಲ್ ಸ್ವಿಚ್ ಆಫ್ ಆಯಿನೆರ್ದಾವರ ಕ್ಷೇತ್ರ ಶಿಕ್ಷಣಾಧಿಕಾರಿಲೆಗ್ ಲೆಪ್ಪು ಕೊರಿಯೆರ್.
ಬಯ್ಯದ ಪೋರ್ತುಗು ಟ್ರಿಪ್‌ಗ್ ಪೋತಿನ ಜೋಕುಲು ಎಡ್ಡೆಡ್ ಪಿರ ಬೈದೆರ್. ಕ್ಷೇತ್ರಶಿಕ್ಷಣಾಧಿಕಾರಿಲು ಶಾಲೆದ ಮಿತ್ತ್ ಕ್ರಮ ದೆತೊನುವೆ ಪನ್ದ್ ತೆರಿಪಾದೆರ್.