Last updated on February 8th, 2023 at 05:47 pm
ಕುಡ್ಲ: ಕೆರಳ ಮೂಲೊದ ಕಂಡನಿ-ಬುಡೆದಿ ಒಂಜೇ ಫ್ಯಾನ್‌ಗ್ ಬಲ್ಲ್ ಪಾಡೊಂದು ಜೂವ ಬುಡ್ತಿನ ನಡಕೆ ಫಳ್ನೀರ್‌ದ ಲಾಡ್ಜ್ ಒಂಜೆಟ್ ನಡತ್‌ದ್ಂಡ್. ಮೊಕಲೆನ್ ಕಣ್ಣೂರ್ ಜಿಲ್ಲೆದ ತಳಿಪರಂಬದ ರವೀಂದ್ರನ್ ಬೊಕ್ಕ ಸುಧಾ ಪಂದ್ ಗುರ್ತಪತ್ತ್‌ದೆರ್.
ಫಳ್ನೀರ್‌ದ ಬ್ಲೂಸ್ಟಾರ್ ಲಾಡ್ಜ್‌ಗ್ ಫೆಬ್ರವರಿ 6ಕ್ ಬತ್ತಿನ ಕಂಡನಿ-ಬುಡೆದಿ ಅಲ್ಪದನೇ ಹೋಟೆಲ್‌ರ್ದ್ ವನಸ್ ತರ್ಪಾದಿತ್ತೆರ್. ಆಂಡ ಕರೀನ ರಡ್ಡ್ ದಿನೊರ್ದಿಂಚಿ ಬಾಕಿಲ್ ದೆಪ್ಪಂದಿನೆನ್ ತೂದು, ಬಾಕಿಲ್ ಪುಡತ್ತ್ ತೂನಗ ಒಂಜೇ ಫ್ಯಾನ್‌ಗ್ ರಡ್ಡ್ ಜನಲಾ ಬಲ್ಲ್ ಪಾಡೊಂದಿನ ತೋಜಿದ್ ಬೈದ್ಂಡ್.
ಕಣ್ಣೂರ್‌ಡ್ ಜವುಲಿದ ಬೇರ ಮಲ್ತೊಂದಿತ್ತಿನ ಮೊಕುಲು ಕುಡ್ಲ ಮುಟ್ಟ ಬತ್ತ್‌ದ್ ದಾಯೆ ಆತ್ಮಹತ್ಯೆ ಮಲ್ತೊಂಡೆರ್ ಪಂದ್ ತೆರಿದಿಜಿ. ಲಾಡ್ಜ್‌ಗ್ ಬಂದರ್ ಪೋಲೀಸೆರ್ ಬೊಕ್ಕ ಪೋಲೀಸ್ ಕಮಿಷನರ್ ಶಶಿಕುಮಾರ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.