Last updated on February 11th, 2023 at 12:03 pm
ಭಾರತೊಡು ಇಲೆಕ್ಟ್ರಿಕ್ ವೆಹಿಕಲ್(EV)ಲೆನ ಗಲಕೆ ದಡಿಯಾವೊಂದಿತ್ತಿಪ್ಪುನೆತ ನಡುಟು ಪೊಸ ಚೀಪೆಸುದ್ದಿಯೊಂಜಿ ಕೇಂದ್‌ಬರೊಂದುಂಡು. ಭಾರತೊಡು ಕಡೀರ ಸರ್ತಿ ಲೀಥಿಯಂ ಖನಿಜೊದ ಮಲ್ಲ ನಿಕ್ಷೇಪ ತಿಕ್ಕ್‌ದ್ಂಡ್.
“ಭಾರತೀಯ ಭೂಗರ್ಭಶಾಸ್ತ್ರ ಸರ್ವೇಕ್ಷಣಾ ಸಂಸ್ಥೆ ನಡಪಾಯಿನ ಶೋಧನೆಡ್ ಜಮ್ಮು ಬೊಕ್ಕ ಕಾಶ್ಮೀರೊದ ರಿಯಾಸಿ ಜಿಲ್ಲೆದ ಸಲಾಲ್‌ – ಹೈಮಾನ ಪನ್ಪಿನಲ್ಪ 59 ಲಕ್ಷ ಟನ್‌‌ದಾತ್ ಲೀಥಿಯಂ ನಿಕ್ಷೇಪ ಇಪ್ಪುನವು ತೋಜಿದ್ ಬೈದ್ಂಡ್.” ಪಂದ್ ಗಣಿ ಇಲಾಖೆ ಕಾರ್ಯದರ್ಶಿ ವಿವೇಕ್‌ ಭಾರದ್ವಾಜ್‌ ತೆರಿಪಾದೆರ್.
ಇಲೆಕ್ಟ್ರಿಕ್ ಗಾಡಿಲು, ಎಚ್ಚಿನ ಮಾತ ಇಲೆಕ್ಟ್ರಿಕ್ ಉಪಕರಣೊಲೆನ ಬ್ಯಾಟರಿ ಮನ್ಪೆರ ಗಲಸುನ ಲೀಥಿಯಂ ಖನಿಜ ಈತ್ ಮಲ್ಲ ಮಟ್ಟ್‌ಡ್ ಒಂಜೇ ಜಾಗೆಡ್ ಪತ್ತೆ ಆತಿನ ಉ್ಂದುವೇ ಸುರು. ಉ್ಂದೆರ್ದಾವರ ನಿರ್ಣಾಯಕ ಖನಿಜೊಗು ಬೋಡಾದ್ ಪಿದಯಿ ದೇಶೊಲೆನ ಮಿತ್ತ್ ತಾಂಗುನ ಕಮ್ಮಿ ಆಪುಂಡು. ವಾಹನೋದ್ಯಮ, ಇಲೆಕ್ಟ್ರಾನಿಕ್ಸ್‌ ಬೊಕ್ಕ ಬೇತೆ ಭಾರತ ಬೈದ್ಯೊದ ಪಣೆಕುಲೆನ ಉಂಡುಮನ್ಪಿ ಕಜ್ಜೊಡು ಸ್ವಾವಲಂಬಿ ಆವರೆಗ್ ಸಕಾಯ ಆಪುಂಡು.