Last updated on February 12th, 2023 at 09:23 am
ಒಡಿಪುಡು ನಡಪುನ ರಾಜ್ಯಮಟ್ಟದ ಯಕ್ಷಗಾನ ಸಮ್ಮೇಳನೊಡು ದಿಕ್ಸೂಚಿ ಭಾಷಣ ಮಲ್ಪರೆ ರೋಹಿತ್ ಚಕ್ರತೀರ್ಥ ಬೈದಿನ ತೂದು ಬಿಲ್ಲವ ಸಂಘಟನೆಲು ಕಪ್ಪು ಕೊಡಿ ತೂಪಾದ್ ಎಂಜಿಎಂ ಮೈದಾನೊದ ಕೈತಲ್ ಪ್ರತಿಭಟನೆ ಮಲ್ತೆರ್.
ಈ ಪೊರ್ತುಗು ಪಾತೆರಿನ ಗೆಜ್ಜೆಗಿರಿ ಯಕ್ಷಗಾನ ಮೇಳದ ಜಿಲ್ಲಾ ಸಂಚಾಲಕೆ ಆಯಿನ ನವೀನ್ ಅಮೀನ್ ಶಂಕರಪುರ ಮೇರ್, ರೋಹಿತ್ ಚಕ್ರತೀರ್ಥಡ ದಿಕ್ಸೂಚಿ ಭಾಷಣ ಪನ್ಪಾದ್ ಮೊಕುಲು ದಾದ ಸಂದೇಶ ಕೊರೊಂದುಲ್ಲೆರ್ ಪನ್ದ್ ತೆರಿಯೊಂದಿಜ್ಜಿ. ಪಾಠ ಪುಸ್ತಕೊಲೆಡ್ ಬ್ರಹ್ಮಶ್ರೀ ನಾರಾಯಣಗುರುಕುಲೆನ ಬಗೆಟ್ ಇತ್ತಿನೆನ್ ದೆಪ್ಪಾದ್ ಇಡೀ ದೇಶೊಗು ಸಂದೇಶ ಸಾರಿನ ಗುರುಕುಲೆಗ್ ಅವಮಾನ ಮಲ್ತಿನಾಯನ್ ಮುಲ್ತ್ ಗಿಡಪೊಡು. ಉಂದು ರಾಜ್ಯ ಮಟ್ಟದ ಯಕ್ಷಗಾನ ಸಮ್ಮೇಳನದ ವಿರುದ್ದ ಪ್ರತಿಭಟನೆ ಅತ್ತ್, ಎಂಕುಲುಲಾ ಯಕ್ಷಗಾನದ ಅಭಿಮಾನಿಲೇ. ಎಂಕ್ಲೆನ ಒಂಜಿ ವ್ಯಕ್ತಿನ ವಿರುದ್ದ ಪ್ರತಿಭಟನೆ. ಅಯೋಗ್ಯೆ ಚಕ್ರತೀರ್ಥನ್ ಒಡಿಪುಡು ಬಾಷಣ ಮಲ್ಪರೆ ಬುಡ್ರೆ ಬಲ್ಲಿ ಪಂಡೆರ್.
ಈ ಪೊರ್ತುಡು ಪಾತೆರಿನ ಬಿಲ್ಲವ ಯುವ ವೇದಿಕೆದ ಗುರ್ಕಾರೆ ಪ್ರವೀಣ್ ಪೂಜಾರಿ, ಯಕ್ಷಗಾನದ ಪಿರವು ಎದುರು ತೆರಿಯಂದಿನ ಜನನ್ ದಿಕ್ಸೂಚಿ ಭಾಷಣೊಗು ಲೆತ್ತಿನೆನ್ ಖಂಡಿಸಾವ ಪನ್ದ್ ಪಂಡೆರ್.
ಯುವವಾಹಿನಿದ ಜಿಲ್ಲಾಧ್ಯಕ್ಷೆ ಸುನೀಲ್ ಬಂಗೇರ, ದಿವಾಕರ ಸನಿಲ್, ಯುವ ಕಾಂಗ್ರೇಸ್ದ ದೀಪಕ್ ಕೋಟ್ಯಾನ್ ಇನ್ನಾ, ಬನ್ನಂಜೆ ಬಿಲ್ಲವ ಸಂಘದ ಅಧ್ಯಕ್ಷೆ ಮಾಧವ ಬನ್ನಂಜೆ, ಜಗನ್ನಾಥ ಕೋಟೆ ಸೇರ್ದ್ ಐವೊರ್ದುಲಾ ದಿಂಜ ಜನ ಇತ್ತೆರ್.