Last updated on February 15th, 2023 at 11:23 am
ಏರ್ ಇಂಡಿಯಾ ಪ್ರಾನ್ಸ್‌ದ ಏರ್‌ಬಸ್ ಬೊಕ್ಕ ಅಮೆರಿಕಾದ ಬೋಯಿಂಗ್ ಕಂಪೆನಿಲೆನೊಟ್ಟುಗು ಪೊಸ ವಿಮಾನೊಲೆನ್ ಗೆತೊನುನ ಒಪ್ಪಂದೊಗು ಸೈನ್ ಪಾಡ್ದ್ಂಡ್. ಏರ್‌ಬಸ್‌ರ್ದ್ 250 ವಿಮಾನೊಲು ಒಂಚೆನೇ ಬೋಯಿಂಗ್‌ರ್ದ್ 220 ವಿಮೊನೊಲು ಸೇರ್ದ್ ಒಟ್ಟು 470 ವಿಮಾನೊಲೆನ್ ಏರ್ ಇಂಡಿಯಾ ಗೆತೊನ್ರ ಉಂಡು. ಒವ್ವೇ ಒಂಜಿ ವಿಮಾನಯಾನ ಸಂಸ್ಥೆ ಒರಾನೆ ಉತ್ ವಿಮಾನೊಲೆನ್ ಗೆತೊನುನ ಉ್ಂದವೇ ಸುರು.
ಫ್ರಾನ್ಸ್‌ದ ಅಧ್ಯಕ್ಷೆ ಎಮಾನ್ಯುಯೆಲ್ ಮ್ಯಾಕ್ರೋನ್‌ರೆನ ಒಟ್ಟುಗು ನಡತಿನ ಕಾರ್ಯಕ್ರಮೊಡು ಪಾತೆರಿನ ಪ್ರಧಾನಿ ಮೋದಿ ಇಂಚಿನ ಮಾಮಲ್ಲ ಒಪ್ಪಂದೊಗು ಸೈನ್ ಪಾಡ್ದಿನ ಇಸಯ ತೆರಿಪಾಯೆರ್. ಈ ಪೊಸ ಒಪ್ಪಂದ ಭಾರತ ಬೊಕ್ಕ ಫ್ರಾನ್ಸ್ ದೇಶೊಲೆನ ನಡುತ ಸಂಬಂಧೊನು ನನಲಾತ್ ಗಟ್ಟಿ ಮನ್ಪುಂಡು ಪಂದ್ ಆರ್ ಪಂಡೆರ್.