Last updated on February 16th, 2023 at 05:00 pm
ತುಳುಬಾಸೆ, ಸಂಸ್ಕೃತಿ, ಲಿಪಿತ ಒರಿಪು- ಬುಲೆಚ್ಚಿಲ್‌ಗ್ ಬೆನೊಂದುಪ್ಪುನ ಜೈ ತುಲುನಾಡ್ (ರಿ.) ಸಂಘಟನೆಗ್ 2022ನೇ ಸಾಲ್‌ದ ‘ಸಾಧನಾ’ ರಾಜ್ಯ ಪ್ರಶಸ್ತಿ ತಿಕ್ಕೊಂದುಂಡು. ತುಳು ಲಿಪಿನ್, ಬಾಸೆನ್ ಕಲ್ಪಾವುನ ಆನ್ಲೈನ್ ಆಫ್‌ಲೈನ್ ಕ್ಲಾಸ್‌ಲ್, ಲಿಪಿಪಗಪುನ ತಂತ್ರಾಂಶ ಗೇನಸಿರಿ, ಆನ್ಲೈನ್ ಡಿಕ್ಷನರಿ ಕೊಪ್ಪರಿಗೆ, ಬೇತೆ ಬೇತೆ ತುಳು ಫಾಂಟ್‌ಲೆನ ಅಭಿವೃದ್ಧಿ ಇಂಚ ಮಸ್ತ್ ಕ್ಷೇತ್ರೊಲೆಡ್ ತುಳುತ ಬುಲೆಚ್ಚಿಲ್‌ಗ್ ಬೆನೊಂದುಪ್ಪುನ ಸಂಘಟನೆಗ್ ಮಾನಾದಿಗೆ ತಿಕ್ಕೊಂದುಂಡು.
ಸಾಧನಾ ರಾಜ್ಯ ಪ್ರಶಸ್ತಿ ಗೆತೊನರೆ ಇಪ್ಪುನ ಬೇತೆ ಸಾಧಕೆರ್
▪️ಧಾರ್ಮಿಕ ಬೊಕ್ಕ ಪೊಂಜೋವುಲೆ ಸಬಲೀಕರಣ: ಡಾ. ಹೇಮಾವತಿ ವಿ. ಹೆಗ್ಗಡೆ ಕುಡುಮ
▪️ಪಿಚ್ಚರ್: 800ರ್ದ್‌ಲಾ ಎಚ್ಚಿನ ಚಿತ್ರೊಲೆಡ್ ಬಣ್ಣ ಪೂಜಿದಿನ ಪೆರಿಯ ಚಿತ್ರನಟೆ ಎಸ್ ದೊಡ್ಡಣ್ಣೆ
▪️ಕಿನ್ಯ ಸಾಹಿತ್ಯ: ಚುಟುಕು ಸಾಹಿತ್ಯ ಪರಿಷತ್ತ್‌ಧ ಕೇಂದ್ರ ಸಂಚಾಲಕೆ ಎಂ.ಜಿ.ಆರ್ ಅರಸ್ ಮೈಸೂರು
▪️ಬ್ಯಾಂಕಿಂಗ್: ಕರ್ಣಾಟಕ ಬ್ಯಾಂಕ್‌ದ MD ಬೊಕ್ಕ CEO ಎಂ ಎಸ್ ಮಹಾಬಲೇಶ್ವರೆರ್
▪️ಆಟ: ಸೀತಾರಾಮ್ ಕಟೀಲ್
▪️ಪತ್ರಿಕೋದ್ಯಮ ಮತ್ತು ಪ್ರಕಾಶನ
ಅನಂತ ಪ್ರಕಾಶ ತಿಂಗೊಲ್ದ ಪತ್ರಿಕೆ ಸಂಪಾದಕೆ ಬೊಕ್ಕ ಅನಂತ ಪ್ರಕಾಶನದ ಮುಖ್ಯಸ್ಥೆ ಕೆ. ಸಚ್ಚಿದಾನಂದ ಉಡುಪೆರ್
ವಿಜಯವಾಣಿದ ಪೆರಿಯ ವರದಿಗಾರೆ ಪಿ. ಬಿ. ಹರೀಶ್ ರೈ
▪️ಯಕ್ಷಗಾನ, ಜಾನಪದ ಬೊಕ್ಕ ಮಾಧ್ಯಮ ವಿಭಾಗ: ಕದ್ರಿ ನವನೀತ್ ಶೆಟ್ಟಿ
▪️ ರಂಗಭೂಮಿ: ಅರೆಹೊಳೆ ಸದಾಶಿವ ರಾವ್
▪️ ಸಾಧನಾ ರಾಜ್ಯ ಯುವ ಪ್ರಶಸ್ತಿ: ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತ ಕ್ಷೇತ್ರೊದ ವಿಭಾ ಶ್ರೀನಿವಾಸ್ ನಾಯಕ್
▪️ ಸಾಧನಾ ರಾಜ್ಯ ವಿಶೇಷ ಪುರಸ್ಕಾರ: ಜಗದೀಶ್ಚಂದ್ರ ಸೂಟರ್ಪೇಟೆ
▪️ಸಾಧನಾ ರಾಜ್ಯ ಬಾಲ ಪುರಸ್ಕಾರ: ಕಲಾವಿದೆ ಕುಮಾರಿ ಲಾಲಿತ್ಯ ಬೇಲೂರು
▪️ಸಂಘ ಸಂಸ್ಥೆಲೆನ ಸಾಧನಾ ರಾಜ್ಯ ಪ್ರಶಸ್ತಿ
ಜೈ ತುಲುನಾಡ್ (ರಿ.)
ಶ್ರೀ ವಿನಾಯಕ ಮಿತ್ರ ಮಂಡಳಿ ಪಕ್ಷಿಕೆರೆ
ಫೆಬ್ರವರಿ 26 ಉಅ ಕುಡ್ಲದ ಭಾರತರತ್ನ ಡಾ ಬಿ.ಆರ್.ಅಂಬೇಡ್ಕರ್ ಭವನೊಡು ನಡಪುನ ನಾಡು ನುಡಿ ಸಾಹಿತ್ಯ ಸಮ್ಮೇಳನೊಡು ಬಯಾಯ 4 ಗಂಟೆಗ್ ಈ ಸಾಧನಾ ಪ್ರಶಸ್ತಿಯನ್ನು ಕೊರ್ಪ ಪಂದ್ ಸಾಧನಾ ರಾಷ್ಟ್ರೀಯ ಸಾಂಸ್ಕೃತಿಕ ಪ್ರತಿಷ್ಠಾನೊದ ಅಧ್ಯಕ್ಷೆ ಕಾ. ವೀ ಕೃಷ್ಣದಾಸ್ ಪಂಡೆರ್.