Last updated on February 17th, 2023 at 10:42 am
ಕುಡ್ಲದ ಸ್ಟೇಟ್ ಬ್ಯಾಂಕ್ ಸರ್ವಿಸ್ ಬಸ್ ಉಂತಡೆಡ್ ಪೆದ್ದಿನಕುಲು ಬುಡ್ದ್ ಪೋಯಿನ ಪುರುಬಾಲೆ ಒಂಜಿ ಗುರುವಾರ ತಿಕ್ಕ್‌ದ್ಂಡ್. ವೆನ್ಲಾಕ್ ಆಸ್ಪತ್ರೆದ ಜೋಕುಲೆನ ವಿಭಾಗೊಡು ಇತ್ತೆ ಅವೆಕ್ ಮರ್ದ್ ಮಲ್ತೊಂದುಲ್ಲೆರ್.
ಮದ್ಯಾಹ್ನದ ಪೊರ್ತುಗು ಒಂಜಿ ಅಂಜೊವು ಬೊಕ್ಕ ಪೊಂಜೊವುನು ಈ ಬಾಲೆದ ಒಟ್ಟುಗು ಕೆಲವೆರ್ ತೂತೆರ್ಗೆ. ಬಾಲೆಗ್ ಹುಸಾರಿಜ್ಜಿ ಮಂಡೆಡ್ ಎಲ್ಯ ಕಿಞ್ಞ ಗಾಯೊಲು ಆತ್ಂಡ್, ಮೂಕುಗು ಪೈಪು ಪಾಡ್ದ್ಂಡ್, ಪಿಟ್ಸ್‌ಲಾ ಇತ್ತಿಲೆಕ್ಕ ಉಂಡು. ಈ ಆನ್ ಬಾಲೆ ಪುಟ್ಟುದು ಒಂಜಿ ವಾರ ಆದಿಪ್ಪು ಪನ್ದ್ ಬೈದ್ಯೆರ್ ತೆರಿಪಾಯೆರ್.
ಬಾಲೆನ್ ಲೈಟ್ ಕಂಬದ ಕೈತಲ್ ಬುಡ್ದ್ ಪೋತೆರ್. ಉಂದೆನ್ ತೂಯಿನ ಡ್ರೈವರ್‌ನಕುಲು ಪೋಲೀಸೆರೆಗ್ ತೆರಿಪಾದೆರ್. ಪೇಲೀಸೆರ್ ಬಾಲೆನ್ ಲೇಡಿಗೋಷನ್‌ಗ್ ಕೊನೊಯೆರ್ ಅಲ್ಪೊರ್ದು ವೆನ್ಲಾಕ್‌ಗ್ ಕೊನೊದು ಐಸಿಯುಡು ದೀತೆರ್. ಏರಿ ಬುಡ್ದ್ ಪೋಯಿನಿ ಪನ್ಪಿನೆತ್ತ ಬಗೆಟ್ ನಾಡುಪತ್ತುನ ಬೇಲೆ ಪೋಲೀಸೆರ್ ಮಲ್ತೊಂದುಲ್ಲೆರ್.