ಕರ್ನಾಟಕದ ಸಚಿವೆ ಮಾಧುಸ್ವಾಮಿ ತುಳುವೆರೆಡ ಕ್ಷಮೆ ಕೇನೊಡು : ವಿನಯ ಕುಮಾರ್ ಸೊರಕೆ

Last updated on February 19th, 2023 at 10:53 am

ಇಂಚಪ್ಪೊಗು ಸದನೊಡು ಯು.ಟಿ.ಖಾದರ್ ತುಳು ಭಾಷೆಗ್ ಸ್ಥಾನಮಾನ ಕೊರ್ಲೆ ಪನ್ದ್ ಪನ್ನಗ ಮಾಧುಸ್ವಾಮಿ ಅಡ್ಡ ಪಾತೆರಿನ ವಿಷಯ ಇತ್ತೆ ತುಳುನಾಡೊರ್ಮೆ ಚರ್ಚೆಗ್ ನೆವನ ಆತ್ಂಡ್. ಪಕ್ಷಬೇಧ ಮದತ್ ತುಳುವೆರ್ ಈ ಪಾತೆರೊಗು ಆಕ್ಷೇಪ ಪನೊಂದುಲ್ಲೆರ್.

ಈ ವಿಷಯೊಡು ಪಾತೆರಿನ ಕರ್ನಾಟಕದ ಮಾಜಿ ಸಚಿವೆ ವಿನಯ ಕುಮಾರ್ ಸೊರಕೆ, ಯು.ಟಿ ಖಾದರ್ ಮೆರೆನ ತುಳುಭಾಷೆದ ಬಗೆಟ್ ಪಾತೆರಿನ ಅಭಿಮಾನೊದ ಪಾತೆರೊಲೆಗ್ ಅವಮಾನ ಮಲ್ತಿನ ಸಚಿವೆ ಮಾಧುಸ್ವಾಮಿನ್ ಖಂಡನೆ ಮಲ್ಪುವೆ. ತುಳು ಭಾಷೆಗ್ ಬೋಡಾನೆ ಪರತಿರ್ ಉಂಡು. ಪಂಚದ್ರಾವಿಡ ಭಾಷೆಲೆಡ್ ತುಳುಲಾ ಒಂಜಿ. ತುಳುಟು ರಚಿತಿನ ಏತೋ ಪಾಡ್ದನೊಲು ಮುಲ್ಪದ ಸಾಂಸ್ಕೃತಿಕ ಶ್ರೀಮಂತಿಕೆನ್ ಎರ್ಕಾದ್ಂಡ್. ಇನಿಕ್ಲಾ ತುಳುಭಾಷೆ ಶ್ರೀಮಂತವಾದ್ ಜನಕುಲೆನ ನಾಲಯಿಡ್ ನಲ್ತೊಂದುಂಡು. ಈತ್ ಪೂರಾ ಪುಗಾರ್ತೆದ ತುಳು ಭಾಷೆನ್ ಸಚಿವೆರ್ ಮಾನಾದಿಗೆ ಮಲ್ಪುನ ಬುಡ್ದ್ ಅವಮಾನ ಮಲ್ತಿನ ಖಂಡನೀಯ. ಸಚಿವೆರ್ನ ಈ ಪಾತೆರ ತುಳು ಭಾಷಿಕೆರೆಗ್ ಬೇನೆ ಮಲ್ದ್ಂಡ್. ಇತ್ತೆನೇ ಮೇರ್ ತುಳುವೆರೆಡ ಕ್ಷಮೆ ಕೇನೊಡು ಪನ್ದ್ ಪಂಡೆರ್.