ಉಳ್ಳಾಲ : ಅಪ್ಪೆ ನೆರಿನೆಕ್ಕ್ ವಿಷ ದೆತೊಂದು ಜೀವ ದೆಪ್ಪರೆ ಪುನೆತಿನ ಪಿಯುಸಿದ ಪೊಣ್ಣು ತೀರಿಯೊಲು

Last updated on February 19th, 2023 at 05:22 pm

ಅಪ್ಪೆ ನೆರಿಯೊಲು ಪನ್ದ್ ವಿಷ ದೆತೊಂದು ಜೀವ ದೆತ್ತೊನರೆ ಪುನೆಪು ಬತ್ತಿನ ಪೊಣ್ಣು ಮರ್ದ್ ಪಲಿಪಂದೆ ಆಸ್ಪತ್ರೆಡ್ ತೀರಿನ ನಡಕೆ ಉಳ್ಳಾಲಡ್ ನಡತ್ಂಡ್.

ತೀರಿನಾಲ್ ಕುಂಪಲದ ಆಶ್ರಯ ಕಾಲೊನಿದ ತಮಿಳುನಾಡ್ ಮೂಲದ ಸೋಮನಾಥ ಬೊಕ್ಕ ಭವ್ಯಾ ಮೊಕಲೆನ ಕಡೀರ ಮಗಲ್ 17 ವರ್ಸದ ಧನ್ಯ ಪನ್ದ್ ತೆರಿದ್ ಬೈದ್ಂಡ್. ಮೋಲು ರಾಮಕೃಷ್ಣ ಕಾಲೇಜಿಡ್ ರಡ್ಡನೇ ಪಿಯುಸಿ ಕಲ್ತೊಂದಿತ್ತೊಲುಗೆ.

ಅಪ್ಪೆ ಇಲ್ಲಗ್ ಬನ್ನಗ ಮಗಲ್ ಉಪ್ಪಂದಿನ ತೂದು ಧನ್ಯಾ ಇಲ್ಲಗ್ ಬತ್ತಿನೇ ಈತ್ ಪೊರೇತು ಒಡೆಗ್ ಪೋದಿತ್ತ ಪನ್ದ್ ಅಪ್ಪೆ ನೆರಿಯೊಲುಗೆ. ಉಂದೆನ್ ಕೇನ್ದ್ ಬೆಸರಾಯಿನ ಧನ್ಯ ಅಪ್ಪೆ ಬರಿತಿಲ್ಲಗ್ ಪೋದಿಪ್ಪುನದಗ ಕೀಟನಾಶಕ ದೆತೊನಿಯೊಲು. ತೀವ್ರ ಅಸ್ವಸ್ಥೆ ಆಯಿನ ಪೊಣ್ಣನ್ ಅಸ್ಪತ್ರೆಡ್ ಕೆನೊದಿತ್ತೆರ್. ಅಲ್ಪ ಅಂಗಾಂಗ ನಿಷ್ಕೃಿಯ ಆದ್ ಆಲ್ ತೀರಿಯೊಲು.