ಕಡಬ: ಕಾಂಡೆ ಕಾಂಡೆ ಆನೆ ದಾಳಿಗ್ ರಡ್ಡ್ ಜನ ತೀರ್ಯೆರ್, ಸಚಿವೆ ಬೊಕ್ಕ ಜಿಲ್ಲಾಧಿಕಾರಿ ಬನ್ನಮುಟ್ಟ ಪುನ ದೆಪ್ಪುಜ!

Last updated on February 20th, 2023 at 10:40 am

ಕಡಬ: ರೆಂಜಿಲಾಡಿ ಗ್ರಾಮೊಡು ಇನಿ ಕಾಂಡೆ ನಡತಿನ ಆನೆದ ದಾಳಿಡ್ ಒರ್ತಿ ಜವನ್ದಿ ಸೇರ್ದ್ ರಡ್ಡ್ ಜನ ತೀರ್ಯೆರ್. ರಂಜಿತಾ(21) ಬೊಕ್ಕ ರಮೇಶ್ ರೈ ನೈಲ (55) ತೀರ್ದಿನ ದುರ್ದೈವಿಲು.

ಪೇರಡ್ಕ ಪೇರ್‌ದ ಡಿಪೋಡ್ ಬೇಲೆ ಮನ್ಪುನ ರಂಜಿತಾ ಕಾಂಡೆ ಇಲ್ಲಲ್ದ್ ಪೋನಗ ನೈಲ ಪನ್ಪಿನರ್ಪ ಆನೆ ದಾಳಿ ಮಲ್ದ್ಂಡ್.

ಆನೆನ್ ತೂದ್ ಪೋಡಿದ್ ರಂಜಿತಾ ಬೊಬ್ಬೆ ಪಾಡಿನೆನ್ ಕೇಂದ್ ಅಲ್ಪನೇ ಇತ್ತಿನ ರಮೇಶ್ ಪನ್ಪಿನಾರ್ ರಕ್ಷಣೆಗ್ ಬೈದೆರ್. ಆಂಡ ಆರೆನ ಮಿತ್ತ್‌ಲಾ ದಾಳಿ ಮಲ್ದ್ಂಡ್. ಆನೆದ ಪೆಟ್ಟ್‌ಗ್ ರಮೇಶೆರ್ ಅಲ್ಪನೇ ಜೂವ ಬುಡ್ಯೆರ್ನ್ಡ ರಂಜಿತಾ ಆಸ್ಪತ್ರೆದ ಸಾದಿಡ್ ತೀರ್ಯೆರ್. ಈ ಭಾಗೊಡು ಕರಿನ ಕೆಲ ತಿಂಗೊಲುರ್ದ್ ಕಾಡಾನೆಲೆನ ದಾಳಿ ನಡತೊಂದೇ ಉಂಡು.

ಇತ್ತೆ ಇಡೆಗ್ ಸಚಿವೆರ್ ಬೊಕ್ಕ ಜಿಲ್ಲಾಧಿಕಾರಿ ಬರ್ಪುನೇಟ ಪುನ ದೆಪ್ಪುಜ ಪಂದ್ ಊರುದಕುಲು ಪ್ರತಿಭಟನೆ ಸುರು ಮಲ್ದೆರ್.