Last updated on February 23rd, 2023 at 01:46 pm
ರಾಷ್ಟ್ರೀಯ ಪೆರ್ಸಾದಿ 66 ಟ್ ಉಳ್ಳಾಲದ ನೇತ್ರಾವತಿ ಸುದೆತ ಸಂಕೊದ ಮಿತ್ತ್ ಹಾಲಾದ್ ಉಂತುದಿತ್ತಿನ ಲಾರಿಗ್ ರಡ್ಡ್ ಸ್ಕೂಟರ್‌ಲ್ ಎಡ್ತ್‌ದ್ ಒಂಜಿ ಸ್ಕೂಟರ್‌ಡಿತ್ತಿನ ರಡ್ಡ್ ಜನೊಟು ಒರಿ ಅಲ್ಪನೇ ತೀರ್ ಪೋತೆ, ಬುಕೊರ್ಯಗ್ ಗಾತಿದ ಪೆಟ್ಟ್‌ಲಾತ. ಅಂಚೆನೇ ಕುಡೊಂಜಿ ಸ್ಕೂಟರ್‌ದಾಯಗ್ಲಾ ಗಡಿಕುಲಾತಿನ ನಡಕೆ ಇನಿ ಕಾಂಡೆ ನಡತ್‌ದ್ಂಡ್‌.
ಅಂಗರಗುಂಡಿದ 26 ವರ್ಸ ಪ್ರಾಯೊದ ಮುಹಮ್ಮದ್ ನೌಫಾಲ್ ತೀರಿನಾರ್ ಅಂಚೆನೇ ಒಟ್ಟುಗು ಇತ್ತಿನ ಉಮ್ಮರ್ ಫಾರೂಕ್ ಪಂದ್ ತೆರಿದ್‌ಬೈದ್ಂಡ್.
ನೌಫಾಲ್‌ಗ್ ಬೈಕಂಪಾಡಿದ ಎಪಿಎಂಸಿ ಡ್ ತರಕಾರಿದ ಅಂಗಡಿ ಇತ್ತ್‌ದ್, ನಿಚ್ಚೊಲಾ ಟೆಂಪೊಡು ಕಲ್ಲಾಪುಗು ಬರೊಂದಿತ್ತೆರ್. ಆಂಡ ಇನಿ ಸ್ಕೂಟರ್‌ಡ್ ತರಕಾರಿ ಕೊಂಡೊಯೆರೆ ಬತ್ತಿನ ನೌಫಾಲ್ ಎಡ್ತೆಡ್ ತೀರ್‌ದೆರ್.
ಕುಡ್ಲ ತೆಂಕಾಯಿ ಸಂಚಾರೀ ಪೋಲೀಸೆರ್ ಪ್ರಕರಣ ದಾಕಲ್ ಮಲ್ತೊಂದು, ಜಡ್ತೆ ಮನ್ತೊಂದುಲ್ಲೆರ್.