Last updated on February 28th, 2023 at 10:26 am
ಬರ್ಪಿ ವಿಧಾನಸಭ ಎಲೆಕ್ಷನ್‌ದ ಅಟ್ಟನೆ ದಡೀಟೆ ನಡತೊಂದುಂಡು. ಉಂದೆತ ದುಂಬರಿಯಿನ ಎಗ್ಗೆ ಆದ್ ಕುಡ್ಲ ಜಿಲ್ಲೆದ ಬಿಜೆಪಿ ಯುನಿಟ್ ಸೋಮಾರ ಪ್ರಗತಿ ರಥ ಯಾತ್ರೆದ ಉದಿಪನ ಮಲ್ದ್ಂಡ್. ಈ ಯಾತ್ರೆ ಕುಡ್ಲ ಜಿಲ್ಲೆದ ಮಾತಾ 8 ಕ್ಷೇತ್ರೊಲೆಗ್ಲಾ ಪೋದು ಸರಕಾರದ ಸಾಧನೆಲೆನ ಬಗೆಟ್ ತೆರಿಪಾವರೆ ಉಂಡು.
ಬಿಜೆಪಿ ಕುಡ್ಲ ಜಿಲ್ಲೆದ ಗುರ್ಕಾರೆ ಸುದರ್ಶನ್ ಮೂಡಬಿದ್ರಿ ಬೊಕ್ಕ ತೆನ್ಕಾಯಿ ಕುಡ್ಲ ಪೇಂಟೆದ ಶಾಸಕೆ ವೇದವ್ಯಾಸ ಕಾಮತೆರ್ ಈ ರಥೊತ ಉದಿಪನ ಕದ್ರಿದ ಕಲೊಟು ಮಲ್ತೆರ್. ರಾಜ್ಯ ಬೊಕ್ಕ ಕೇಂದ್ರ ಬಿಜೆಪಿ ಸರಕಾರದ ಸಾಧನೆ ಜನಕುಲೆಗ್ ಮುಟ್ಟಾವುನ ಕಜ್ಜ ಈ ಯಾತ್ರೆದ ಬಂಡಿ ಮಲ್ಪುಂಡು ಪನ್ದ್ ಶಾಸಕೆರ್ ಪಂಡೆರ್.