ಪಿಯುಸಿ ಪರೀಕ್ಷೆಗ್ ಹಿಜಾಬ್ ಪಾಡೊಂದು ಬರಿಯರೆ ಇಜ್ಜಿ

Last updated on March 2nd, 2023 at 06:21 pm

ಉಂದೇ ಬರ್ಪಿ ಮಾರ್ಚ್ 9 ರ್ದ್ ಸುರುವಾಪಿನ ರಡ್ಡನೇ ಪಿಯುಸಿ ಕಾಲಾದಿದ ಪರೀಕ್ಷೆಗ್ ಹಿಜಾಬ್ ಪಾಡೊಂದು ಬರಿಯೆರೆ ಬುಡೊಡು ಪನ್ದ್ ಮುಸ್ಲಿಂ ಪೊಣ್ಣುಲು ಕೇನ್ದಿತ್ತೆರ್. ಉಂದೆನ್ ಒತ್ತೊನರೆ ಬಲ್ಲಿ ಪನ್ದ್ ಶಾಲಾ ಶಿಕ್ಷಣ ಬೊಕ್ಕ ಸಾಕ್ಷರತಾ ಇಲಾಖೆ ಪದವಿ ಪೂರ್ವ ಕಾಲೇಜಿಲೆನ ಪ್ರಾಂಶುಪಾಲೆರೆಗ್ ಬೊಕ್ಕ ಅಧಿಕಾರಿಲೆಗ್ ತೆರಿಪಾದ್ಂಡ್.

ಹಿಜಾಬ್ ವಿಷಯ ಸುಪ್ರೀಂ ಕೋರ್ಟುಡು ಉಂಡು. ಅಂಚಾದ್ ಪರೀಕ್ಷೆದ ಸಮಯೊಡು ಹಿಜಾಬ್ ಪಾಡರೆ ಅನುಮತಿ ಕೊರ್ಪಿನ ಪ್ರಶ್ನೇನೇ ಇಜ್ಜಿ ಪನ್ದ್ ಶಿಕ್ಷಣ ಸಚಿವೆ ಬಿ.ಸಿ ನಾಗೇಶ್ ತೆರಿಪಾಯೆರ್. ಈ ವಿಚಾರೊನು ಅಡ್ಡಿ ದೀವೊಂದು ಒವ್ವೇ ಪೊಣ್ಣುಲು ಪರೀಕ್ಷೆಗ್ ಬರಂದೆ ಕುಲ್ಲುಜೆರ್ ಪನ್ದ್ ಬಾಮಿಪುವೆ ಪನ್ದ್ ಪಂಡೆರ್.