Last updated on March 13th, 2023 at 11:39 am
ಮಸ್ಕತ್ : ಕರಾವಳಿ ಫ್ರೆಂಡ್ಸ್ ಮಸ್ಕತ್ ಬೊಕ್ಕ ಮಜಾನ್ ಇವೆಂಟ್ಸ್ ಒಟ್ಟುಗು ಸೇರೊಂದು ನ್ಯಾಷನಲ್ ಬ್ಯಾಂಕ್ ಒಫ್ ಓಮಾನ್ ಅರ್ಪಣೆ ಮಲ್ತ್ ಅಲ್ ಮಹಾ ಪೆಟ್ರೋಲಿಯಂ ಬೊಕ್ಕ ಮಲ್ಟಿಟೆಕ್ ಕಾಂಟ್ರಾಕ್ಟಿಂಗ್ ಸಹಕಾರೊದೊಟ್ಟುಗು ಶ್ರೀ ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನದ ಒಂಜಿ ವಿಭಿನ್ನ ಶೈಲಿದ ನಾಟಕ ಶಿವದೂತ ಗುಳಿಗೆ ನೆತ್ತ ಫ್ಲೈಯರ್ ಬುಡುಗಡೆ ಲೇಸ್ ಮುಲ್ಪ ಉಪ್ಪುನ ಶ್ರೀ ಕೃಷ್ಣ ದೇವಸ್ಥಾನದ ಚಾವಡಿಡ್ ಪುತ್ತಿಗೆ ಮಠದ ಶ್ರೀ ಶ್ರೀ ಸುಗುಣೆoದ್ರ ತೀರ್ಥ ಸ್ವಾಮೀಜಿಲೆನ ಅಮೃತ ಹಸ್ತೋಡು ಬುಡುಗಡೆ ಮಲ್ತೆರ್.
ಈ ನಾಟಕ ತುಳು ಬೊಕ್ಕ ಕನ್ನಡ ಭಾಷೆಡ್ ಪ್ರದರ್ಶನ ಆವರೆ ಉಂಡು. ತುಳು ಬೊಕ್ಕ ಕನ್ನಡ ಜನೊಕುಲು ತೂದು ನಮ್ಮ ತುಳುನಾಡ್ದ ದೈವ ದೇವೆರೆನ ಮಹಿಮೆನ್ ನಮ್ಮ ದುಂಬುದ ಪೀಳಿಗೆಗ್ ತೆರಿಪಾವುನ ಬೇಲೆ ನಮ ಮಳ್ಪೋಡ್ ಪನ್ಪಿನ ಪಾತೆರದ ಒಟ್ಟುಗು ಆಶೀರ್ವಾದ ಮಲ್ತೆರ್.
ಈ ನಾಟಕ ಓಮಾನ್ಡ್ ಮೇ 12 ತಾರೀಖ್ 2023 ಕ್ಕ್ ಅಲ್ ಫಲಾಜ್ ಹಾಲ್ಡ್ ತುಳು ಬೊಕ್ಕ ಕನ್ನಡ ಭಾಷೆಡ್ ರಡ್ಡ್ ಪ್ರದರ್ಶನ ನಡಪರೆ ಉಂಡು.
ಈ ಫ್ಲೈಯರ್ ಬುಡುಗಡೆಗ್ ಲೇಸ್ಡ್ ಪಾಲ್ ಪಡೆಯಿನಕುಲು ಶ್ರೀಯುತ ಜಿ.ವಿ.ರಾಮಕೃಷ್ಣ, ಶ್ರೀಯುತ ಲಕ್ಷ್ಮಿ ನಾರಾಯಣ ಆಚಾರ್ಯ,
ಶ್ರೀಯುತ ಹಿರಿಯಣ್ಣ ನಾರಾಯಣ ಸ್ವಾಮಿ, ಶ್ರೀಯುತ ಶಶಿಧರ್ ಶೆಟ್ಟಿ ಮಲ್ಲಾರ್, ಶ್ರೀಯುತ ದಿವಾಕರ್ ಶೆಟ್ಟಿ ಮಲ್ಲಾರ್, ಶ್ರೀಯುತ ಗಣೇಶ್ ಶೆಟ್ಟಿ ಕುತ್ತಾರ್ ಪದವು, ಶ್ರೀಯುತ ಎಂ. ಜೆ. ಚಂಗಪ್ಪ, ಶ್ರೀಯುತ ಮಂಜುನಾಥ್ ನಾಯಕ್, ಶ್ರೀಯುತ ನರೇಶ್ ಪೈ, ಶ್ರೀಯುತ ನಾಗೇಶ್ ಶೆಟ್ಟಿ ಕಿನ್ನಿಗೋಳಿ, ಶ್ರೀಯುತ ಡಾ ಅಂಚನ್ ಸಿ. ಕೆ, ಶ್ರೀಯುತ ಯುವರಾಜ್ ಸಾಲಿಯಾನ್.
ಅಂಚೆನೇ ಈ ನಾಟಕೊನು ಓಮಾನ್ದ ಊರುಡು ಪ್ರದರ್ಶನ ಮಲ್ಪುನ ಕರಾವಳಿ ಫ್ರೆಂಡ್ಸ್ ದ ರಾಜೇಂದ್ರ ಶೆಟ್ಟಿ, ಹಿತೇಶ್ ಮಂಗಳೂರು, ಪದ್ಮಾಕರ್ ಮೆಂಡನ್, ರಮಾನಂದ ಶೆಟ್ಟಿ, ಮಂಜುನಾಥ್ ರಾವ್, ರವೀಂದ್ರ ಆಚಾರ್ಯ, ಶಿವಾನಂದ ಕೋಟ್ಯಾನ್, ರಾಮಕೃಷ್ಣ ಪ್ರಭು, ಸುಕುಮಾರ್ ಅಂಚನ್ ಬೈದಿನ ಬಿನ್ನೆರೆನ್ ಎದ್ಕೊಂಡೆರ್..
ಕಲಾ ಸಂಗಮದ 28 ಕಲಾವಿದೆರ್ ಪಾಲ್ ಪಡೆವೊಂದುಲ್ಲೆರ್. ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನೊಡು ಬರ್ಪಿನ ಈ ನಾಟಕೊಡು ಕಾಂತರ ಫಿಲ್ಮ್ ದ ಗುರುವ ಪಾತ್ರೊಡು ಮಿಂಚಿದಿನ ಸ್ವರಾಜ್ ಶೆಟ್ಟಿ ಗುಳಿಗನ ಪಾತ್ರೊಡು ಮಿಂಚರೆ ಉಲ್ಲೆರ್.