Last updated on March 14th, 2023 at 09:05 am
ಮೀಯೆರ ಪಂದ್ ನೇತ್ರಾವತಿ ಸುದೆಕ್ ಜತ್ತಿತ್ತಿನ ಜವನೆ ಒರಿ ನೀರ್‌ಡ್ ಮುರ್ಕ್‌ದ್ ಸೈದಿನ ನಡಕೆ ಮಾರ್ಚ್ 13ಕ್ ಉಬಾರ್ ಪೋಲೀಸ್ ಸ್ಟೇಷನ್‌ ಸೀಮೆ ಬೆಳಿಯೂರು ಪನ್ಪಿನಲ್ಪ ನಡತ್‌ದ್ಂಡ್.
ಬಂಟ್ವಾಳದ ಮಾಣಿ ಪ್ರೌಢ ಶಾಲೆಡ್ ಪತ್ತನೇ ಕ್ಲಾಸ್ ಕಲ್ತೊಂದಿತ್ತಿನ ಮಹಮ್ಮದ್ ಸಲ್ಮಾನ್(16) ತೀರ್ದಿನ ಜವನೆ.
ಸಲ್ಮಾನ್ ಮಾರ್ಚ್ 13ಕ್ ಪೆರ್ನೆಡುಪ್ಪುನ ತನ್ನ ಸಂಬಂಧಿ ಮಹಮ್ಮದ್ ಇರ್ಫಾರ್(16) ನ ಒಟ್ಟುಗು ಪೆರ್ನೆದ ಸಿದ್ಯಪ್ಪೆನ ಇಲ್ಲಗ್ ಪೋದಿತ್ತೆ. ಬೊಕ್ಕ ಅಲ್ತ್‌ರ್ದ್ ರಡ್ಡ್ ಜನಲಾ ಮುಟ್ಟದ ಬೆಳಿಯೂರು ಅಣೆಕಟ್ಟೊದಡೆ ಪೋತೆರ್.
ಮೀಯೆರ ಪಂದ್ ರಡ್ಡ್ ಜನ ಜವನೆರ್ಲಾ ಸುದೆಕ್ ಜತ್ತಿನ ಪೊರ್ತುಡು ಸಲ್ಮಾನ್ ಕಾರ್ ಜಾರ್‌ದ್ ನೀರ್‌ಗ್ ಬೂರ್ದ್ ತೀರ್ದೆ ಪಂದ್ ತೆರಿದ್‌ಬೈದ್ಂಡ್. ಈ ಬಗ್ಗೆ ಉಬಾರ್ ಪೋಲೀಸ್ ಸ್ಟೇಷನ್‌ಡ್ ಪ್ರಕರಣ ದಾಕ್ಲಾತ್ಂಡ್.