Last updated on March 14th, 2023 at 03:28 pm
ಕುಡ್ಲ ಸೆಂಟ್ರಲ್ ಮಾರ್ಕೆಟ್‌ದ ಬೇಲೆ ಆವೊಂದುಪ್ಪುನ ಜಾಗೆಡ್ ಬೇಲೆದಕುಲೆನ ಶೆಡ್ ಜರಿದ್ 10 ಜನೊಕು ಗಡಿಕುಲಾತ. ಕೋಡೆ ರಾತ್ರೆ ಸುಮಾರ್ 11:30 ದ ಅಂದಾಜಿಗ್ ಈ ನಡಕೆ ನಡತ್‌ದ್ಂಡ್.
ಕೂಲಿ ಬೇಲಿದಕುಲು ಜೆತ್ತಿಪ್ಪುನಗ ಒರಾನೆ ಶೆಡ್ಡ್‌ದ ಅಡಿ ಜರಿದ್ಂಡ್. ಅಪಗನೇ ಪೆಟ್ಟಾತಿನಕಲೆನ್ ಆಸ್ಪತ್ರೆ ಲೆಸೊಂದ್ ಪೋದು ಮರ್ದ್ ಕೊರ್ಪಾದ್ ಡಿಸ್ಚಾರ್ಜ್ ಮಲ್ದೆರ್. ಬೇಲೆ ಮನ್ಪುನ/ಮನ್ಪಾವೊಂದುಪ್ಪುನಕಲ್ನ ಜಬದ್ದರಿದಾಂತಿನ ಬೇಲೆಲೇ ಈ ನಡಕೆಗ್ ಕಾರಣ ಪಂದ್ ಮುಟ್ಟದಕುಲು ಪನೊಂದುಲ್ಲೆರ್.
ಸೆಂಟ್ರಲ್ ಮಾರ್ಕೆಟ್ ಕಟ್ವಾನೊದ ಬೇಲೆದಕುಲು ಜೆಪ್ಪೆರೆ ಬೋಡಾದ್ ಮಲ್ದಿನ ಶೆಡ್ಡ್‌ದ ಬರೀಟೆ 30 ಫೀಟ್‌ದಾತ್ ಗಂತ್‌ ಮಣ್ಣ್ ದೆತ್ತ್‌ದೆರ್. ನೆರ್ದಾವರ ಬರೆತ ಮಣ್ಣ್ ಜರಿನಗ ಒಟ್ಟುಗು ಬೇಲೆದಕುಲ್ಲಾ ಬೂರ್ದೆರ್.