ಕಾರಿಂಜೇಶ್ವರ ದೇಲಂತಡೆತ ಸುತ್ತ ಗಣಿಗಾರಿಕೆ ನಿಶಿದ್ಧ : ಸರಕಾರದ ಆದೇಶ

Last updated on March 15th, 2023 at 11:29 am

ಬಂಟ್ವಾಳದ ಕಾರಿಂಜೇಶ್ವರ ದೇಲಂತಡೆತ ಸುತ್ತ ಗಣಿಗಾರಿಕೆ ಮಲ್ಪರೆ ಬಲ್ಲಿ ಪನ್ದ್ ರಾಜ್ಯ ಸರಕಾರ ಆದೇಶ ಪಿದಡ್ಪಾದ್ಂಡ್. ದೇಲಂತಡೆತ ಸುತ್ತ 2 ಕಿಮೀ ಮುಟ್ಟ ಒವ್ವೇ ಗಣಿಗಾರಿಕೆ ಆವಡ್ ಕ್ರಷರ್ ಆವಡ್ ಮಲ್ಪರೆ ಇಜ್ಜಿ. ಈ ಜಾಗೆ ಕಾಲಿ ಧಾರ್ಮಿಕ ಬೇಲೆಗ್ ಗಲಸೊಡು ಪನ್ದ್ ಆದೇಶೊಡು ಉಂಡು.

ದೇಲಂತಡೆತಲ್ಪ ಗಣಿಗಾರಿಕೆ ಮಲ್ಪುನೆರ್ದ್ ದೇಲಂತಡೆಕ್ ಮಲ್ಲ ಪೆಟ್ಟಾಪುಂಡು. ದೇಲಂತಡೆನ್ ಒರಿಪಾವೊಡು ಪನ್ದ್ ಹಿಂದೂ ಜಾಗರಣ ವೇದಿಕೆದಕುಲು ಮನವಿ ಬೊಕ್ಕ ಪೊರುಂಬಾಟ ಮಲ್ದಿತ್ತೆರ್. ಕ್ಷೇತ್ರದ ಶಾಸಕೆರಾಯಿನ ರಾಜೇಶ್ ನಾಯ್ಕೆರ್ ಸುನೀಲ್ ಕುಮಾರ್ ನ್ ಅಡೆಗ್ ಲೆಪುಡಾದ್ ಗಣಿಗಾರಿಕೆರ್ದ್ ಆಪಿನ ತೆಟ್ಟ್ ದ ಬಗೆಟ್ ತೆರಿಪಾದಿತ್ತೆರ್.

ಸಿಎಂನ ನಿರ್ದೇಶನದಂಚ ಅಲ್ಪ ಅಧ್ಯಯನ ಆದಿತ್ತ್ಂಡ್. ಈ ಅಧ್ಯಯನದ ಪಲೊಟು ಜಿಲ್ಲಾಧಿಕಾರಿಲು ರಾಜ್ಯ ಸರಕಾರೊಗು ದೇಲಂತಡೆತ ಸುತ್ತ 2 ಕಿಮೀ ಗಣಿಗಾರಿಕೆ ನಿಷೇಧ ಮಲ್ಪೊಡು ಪನ್ದ್ ವರದಿ ಕೊರಿಯೆರ್. ಸರಕಾರ ಇತ್ತೆ ಉಂದೆನ್ ಆದೇಶವಾದ್ ಮಲ್ದ್ಂಡ್.