Last updated on March 19th, 2023 at 04:21 pm
ಬಂಟ್ವಾಳ ತಾಲೂಕ್, ವಿಟ್ಲಪಡ್ನೂರು ಗ್ರಾಮೊದ ಪೂರ್ಲಪ್ಪಾಡಿ ಪೈಸಾರಿದ ಶ್ರೀ ನಾಗದೇವರೆಗ್ ಬ್ರಹ್ಮಕಲಸ ಬೊಕ್ಕ ಶ್ರೀ ರಕ್ತೇಶ್ವರೀ(ಲೆಕ್ಕೆಸಿರಿ), ಗುಳಿಗ ದೈವೊದ ಅಂಚೆನೇ ರಕ್ಷಬ್ರಹ್ಮ ಸಾನಿಧ್ಯ ಪುನರ್ ಪ್ರತಿಷ್ಠೆ ಬೊಕ್ಕ ಬ್ರಹ್ಮಕಲಸ ಕಜ್ಜ ವೇದಮೂರ್ತಿ ಬ್ರಹ್ಮಶ್ರೀ ಕುಂಟುಕುಡೇಲು ಶ್ರೀ ರಘುರಾಮ ತಂತ್ರಿ ಮೆರೆನ ಮುತಾಲಿಕೆಡ್ ಬಾರಿ ಗರ್ದ್‌ಡ್ ನಡತ್ಂಡ್. ಭಕ್ತಾದಿಲೆಗ್ ಅನ್ನಸಂತರ್ಪಣೆ ಸೇವೆಲಾ ಇತ್ತ್ಂಡ್
ದುಂಬುನಾನಿ ರಾತ್ರೆ ನಡತಿನ ವಾಸ್ತು ಹೋಮ, ವಾಸ್ತು ಬಲಿ ಪೂಜೆದ ಪೊರ್ತುಡು ಶ್ರೀ ಮಹಮ್ಮಾಯೀ ಭಜನಾ ಮಂಡಳಿ (ರಿ.) ನಾಗವನ – ಕುಂಟ್ರಕಲ ಮೊಕುಲು ಭಜನಾ ಸೇವೆ ನಡಪಾದ್ ಕೊರ್ಯೆರ್.
ಕಾರ್ಯಕ್ರಮೊಗು ಶ್ರೀ ಚಾಮುಂಡೇಶ್ವರೀ ದೇವೀ ಕ್ಷೇತ್ರ, ಕಣಿಯೂರು – ಕನ್ಯಾನದ ಶ್ರೀ ಶ್ರೀ ಮಹಾಬಲೇಶ್ವರ ಸ್ವಾಮೀಜಿ ಭೇಟಿ ಕೊರ್ದು ಆಶೀರ್ವದಿತೆರ್.
ವಿಟ್ಲ ಅರಂತಡೆದ ಕೆ. ಕೃಷ್ಣಯ್ಯೆರ್, ಶ್ರೀ ಕೃಷ್ಣ ವರ್ಮೆರ್ ಬೊಕ್ಕ ರಾಷ್ಟ್ರೀಯ ಸ್ವಯಂ ಸೇವಕ ಸಂಘೊದ ಪ್ರಮುಖೆರ್, ಬಿಜೆಪಿ ಪಕ್ಷೊದ ಪ್ರಮುಖೆರ್, ಗಣ್ಯೆರ್, ಮುಟ್ಟದ ಸಂಘೊ ಸಂಸ್ಥೆಲೆನ ಪ್ರಮುಖೆರ್, ಊರ ಪರವೂರ ಭಕ್ತಾದಿಲು ಈ ಪುಣ್ಯಾಕಾರ್ಯೊಡು ಪಾಲ್‌ಗೆತೊಂದು ಕೃತಾರ್ಥೆರಾಯೆರ್.
ಈ ಲೇಸ್‌ದ ಇಸೇಸ ಆಕರ್ಷಣೆಯಾದ್ ಭಗವಾ ಕೊಡಿತ ಒಟ್ಟುಗು ತುಳುನಾಡ ಕೊಡಿಲಾ ರಾವೊಂದಿತ್ತ.
ತನು ಮನ ಧನೊತ ಸಕಾಯ ಕೊರ್ದು, ಕಾರ್ಯಕ್ರಮೊದ ಯಶಸ್ಸ್‌ಗ್ ಕಾರಣೀಭೂತೆರಾಯಿನ ಮಾತ ಭಕ್ತಾದಿಲೆಗ್ ಶ್ರೀಮತಿ ಯಮುನಾ ಬೊಕ್ಕ ಶ್ರೀ ಮೋನಪ್ಪ ನಾಯ್ಕ ಪೂರ್ಲಪ್ಪಾಡಿ, ಪೈಸಾರಿ ಇಲ್ಲದಕುಲು ಅಂಚೆನೇ ಶ್ರೀ ಮಲರಾಯಿ ದೈವಸ್ಥಾನ ಆಡಳಿತ ಟ್ರಸ್ಟ್ (ರಿ.) ಪೂರ್ಲಪ್ಪಾಡಿ ಮೊಕುಲು ಈ ಮುಖೇನ ಸೊಲ್ಮೆಲೆನ್ ಸಂದಾವೊಂದುಲ್ಲೆರ್.