Last updated on March 25th, 2023 at 04:57 pm
ಎಪ್ರಿಲ್ – ಮೇ ಪಂಡ ತುಳುನಾಡೊರ್ಮೆ ಮದ್ಮೆದ ಸೀಸನ್ ಸುರುವಾದಿಪ್ಪುಂಡು. ಮದ್ಮೆದ ಹಾಲ್, ಕ್ಯಾಟರಿಂಗ್‌ದಕಲೆಗ್ ಪೂರಾ ಇನೆದಾಂತೆ ಬೇಲೆ ಉಪ್ಪುಂಡು. ಆಂಡ ಮೌಡ್ಯ ತಿಂಗೊಲು ಇತ್ತಿನೆರ್ದಾವರ ಒವ್ವೇ ಮದ್ಮೆ ಎಪ್ರಿಲ್‌ಡ್ ನಡಪಂದಿನವು ಮದ್ಮೆದ ಬ್ಯುಸಿನೆಸ್‌ದಕಲೆಗ್ ಮಲ್ಲ ಪೆಟ್ಟ್ ಬೂರ್ದುಂಡು. ಎಪ್ರಿಲ್ ಮುಪ್ಪ ಮುಟ್ಟ ಮೌಡ್ಯ ಉಪ್ಪುನೆರ್ದಾವರ ಮಾತಾ ಮದ್ಮೆಲು ಎಪ್ರಿಲ್ ಮುಪ್ಪೊರ್ದು ಬೊಕ್ಕನೇ ನಡಪುಂಡು. ಮೇ ತಿಂಗೊಲುಡುಲಾ ಕಾಲಿ 12-13 ಎಡ್ಡೆ ದಿನೊಕುಲು ಮಾತ್ರ ಉಪ್ಪುನು. ಮಾರ್ಚಿಡ್ ಕೆಲವು ಎಡ್ಡೆ ದಿನೊಕುಲು ಇತ್ತ್ಂಡಲಾ, ಜನಕುಲು ಜೋಕುಲೆಗ್ ಪರೀಕ್ಷೆ ಪೂರಾ ಉಪ್ಪುಂಡು ಪನ್ದ್ ಮದ್ಮೆ ದೀಪುಜೆರ್. ಮಾತಾ ಮದ್ಮೆಲು ಮೇ ತಿಂಗೊಲುಗು ಶಿಫ್ಟ್ ಆತ್ಂಡ್. ಅವ್ ಅತ್ತಂದೆ ಈ ವರ್ಸ ಓಟು ಉಪ್ಪುನೆರ್ದಾತ್ರ ಮೇ ತಿಂಗೊಲುಡು ಚುನಾವಣಾ ನೀತಿ ಸಂಹಿತೆಲಾ ಬರು, ಅಂಚಾದ್ ಆ ಪೊರ್ತುಡು ಗರ್ದ್ ದ ಮದ್ಮೆಲೆಗ್ಲಾ ಪೆಟ್ಟ್ ಬೂರುಂಡು. ಒಟ್ಟುಗು ಈ ವರ್ಸ ಮದ್ಮೆ ಆಪಿನಕಲೆಗ್ ಬಾರೀ ಬಂಗ ಆಂಡ್.