Last updated on March 28th, 2023 at 08:13 am
ಬ್ರಹ್ಮ ಶ್ರೀ ನಾರಾಯಣ ಗುರು ಶಕ್ತಿ ಪೀಠದ ಪ್ರಣವಾನಂದ ಸ್ವಾಮೀಜಿ ಕಾಂಗ್ರೇಸ್‌ದ ಸುರುತ ಪಟ್ಟಿದ ಸೀಟ್ ಪಟ್ಟೊಂದಿನೆನ್ ತೂದು ಅಸಮಾಧಾನ ಆತೆರ್. ಕಾಂಗ್ರೇಸ್ ಬಿಲ್ಲವ ಸಮಾಜದ ಬೇಡಿಕೆಲೆಗ್ ಮದೆಕ್ ಎತ್ತಾವುನ ಬೇಲೆ ಮಲ್ದ್ಂಡ್ ಪನ್ದ್ ಪಂಡೆರ್. ಒಂಜಿ ವೇಳೆ ರಾಜಕೀಯ ಪಕ್ಷೊಲು ಟಿಕೆಟ್ ಕೊರಿಜಿಡ ಬಿಲ್ಲವ ಅಭ್ಯರ್ಥಿಲೆನ್ ಸ್ವತಂತ್ರವಾದ್ ಕಲೊಕು ಜಪ್ಪಾವ ಪನ್ದ್ ತೆರಿಪಾಯೆರ್.
ದಕ್ಷಿಣ ಕನ್ನಡ ಜಿಲ್ಲೆಡ್ ಕಾಲಿ ಒಂಜಿ ಜನಕ್ ಬೊಲ್ತೇರ್‌ಡ್ ಮಾತ್ರ ಟಿಕೆಟ್ ಕೊರ್ತಿನಿ. ಪತ್ತೊಂಜೆರ್ದ್‌ಲಾ ಜಾಸ್ತಿ ಬಿಲ್ಲವೆರ್ ಕಾಂಗ್ರೇಸ್ ಟಿಕೆಟ್‌ಡ ಆಸೆಗ್ 2 ಲಕ್ಷ ಕೊರ್ದು ಅರ್ಜಿ ಪಾಡ್ದಿತ್ತೆರ್. ಮೊಕಲು ಮಾತೆರ್ಲಾ ರಾಜಕೀಯ ಅನುಭವ ಇತ್ತಿನಕುಲು ಕೆಲವೆರ್ ಮೇಯರ್ ಆತಿನಕುಲುಲಾ ಇತ್ತೆರ್. ಕುಡ್ಲ ಜಿಲ್ಲೆದ 8 ವಿಧಾನಸಭಾ ಕ್ಷೇತ್ರೊಲೆಡ್ 6 ಟ್ಟ್ ಬಿಲ್ಲವೆರೇ ನಿರ್ಣಾಯಕ ಮತದಾರೆರಾದುಲ್ಲೆರ್. ಕಾಂಗ್ರೇಸ್ ನನ ರಡ್ಡ್ ಬಿಲ್ಲವೆರೆಗ್ ಕುಡ್ಲ ಜಿಲ್ಲೆಡ್ ಟಿಕೆಟ್ ಕೊರೊಡು. ಬಂಟ್ವಾಳ ಕ್ಷೇತ್ರೊಡು ಬಿಲ್ಲವೆರ್ ದಿಂಜ ಉಲ್ಲೆರ್, ಅಲ್ಪ ಬಿಲ್ಲವೆರೆಗ್ ಸೀಟ್ ಮೀಸಲಾದ್ ದೀತೊಡು ಪನ್ದ್ ಪಂಡೆರ್.
ಕಾಂಗ್ರೇಸ್, ಬಿಜೆಪಿ, ಜೆಡಿಎಸ್ ಮೂಜಿ ಪಕ್ಷೊಲೆನ ನಾಯಕೆರೊನ್ಲಾ ಬೇಟಿ ಮಲ್ಪುವೆ ಬಿಲ್ಲವ, ನಾಮಧಾರಿ, ಈಡಿಗ ಜನಾಂಗೊಗು ಪ್ರಾಶಸ್ತ್ಯ ಕೊರಿಯರೆ ಆಗ್ರಹ ಮಲ್ಪುವೆ ಪನ್ದ್ ಪಂಡೆರ್.