ಕರ್ನಾಟಕ ವಿಧಾನಸಭೆಕ್ ದಿನ ಫಿಕ್ಸ್ , ತುಳುಕು ಮಾನಾದಿಗೆ ಕೊರ್ಪ ಪನ್ಪಿನ ಆಡಳಿತ ಸರಕಾರದ ನಾಟಕೊಗು ಪರದೆ

Last updated on March 29th, 2023 at 03:23 pm

ಕರ್ನಾಟಕ ವಿಧಾನಸಭೆತ ಓಟುಗು ಫಿಕ್ಸ್ ಆತ್ಂಡ್. ಮೇ 10ಕ್ಕ್ ವೋಟು ಬೊಕ್ಕ 13 ಕ್ಕ್ ಓಟುದ ಲೆಕ್ಕ. ನಾಮಿನೇಷನ್‌ಗ್ ಅಕೇರಿದ ದಿನ ಎಪ್ರಿಲ್ 20, ನಾಮಿಮೇಷನ್ ಪಿರ ದೆಪ್ಪರೆ ಅಕೇರಿದ ದಿನ ಎಪ್ರಿಲ್ 24.

ಆಡಳಿತ ಬಿಜೆಪಿ ಸರಕಾರ ಇಂಚೊಗು ತುಳುಕು ಅಧಿಕೃತ ರಾಜ್ಯಭಾಷೆದ ಮಾನಾದಿಗೆ ಕೊರ್ಪ ಪನ್ದ್ ಒರಾನೆ ಸುದ್ದಿ ಲಕ್ಕಾದಿತ್ತ್ಂಡ್. ಚುನಾವಣೆ ನೀತಿ ಸಂಹಿತೆ ಜಾರಿ ಆಯಿಬೊಕ್ಕ ನನ ಒವ್ವೇ ರೀತಿದ ಇಂಚಿನ ಬೇಲೆ ಆಪುಜಿ. ಬಿಜೆಪಿ ಸರಕಾರ ಅಧಿಕಾರೊಗು ಬನ್ನಗ, ಬಿಜೆಪಿಗ್ 13 ಸೀಟ್ ನಮ್ಮ ತುಳುನಾಡ್‌ಡ್ ಕೊರ್ದಿತ್ತ್ಂಡ್, ಅಂಚಾದ್ ತುಳುವೆರೆನ ಪಾಕ ವರ್ಸದ ಬೇಡಿಕೆ ಅಪ್ಪೆ ಬಾಸೆಗ್ ಮಾನಾದಿಗೆ ತಿಕ್ಕು ಪನ್ದ್ ಇತ್ತ್ಂಡ್. ಆಂಡ ಸರಕಾರ ಇದಮುಟ್ಟ ಪಿರ ಪಾಡ್‌ಡ್ ಅಕೇರಿಡ್ ಒರಾನೆ ಸುದ್ದಿ ಲಕ್ಕಾದ್ ಇತ್ತೆ ಒವ್ವೇ ರೀತಿದ ತುಳುಕು ಉಪಕಾರ ಮಲ್ಪಂದೆ ಸರಕಾರ ಅಗತ್ಂಡ್.