Last updated on April 9th, 2023 at 12:55 pm
ಇಂಚಿಪ್ಪೊಗು ದೊಂಬುದ ಪೆಟ್ಟ್ ಎಚ್ಚ ಆತ್ಂಡ್, ಪಿದಯಿ ಕಾರ್ ದೀವರೆ ಆವಂದಿನಾತ್ ದೊಂಬು ಉಂಡು. ಸೆಖೆಟ್ ಜಪ ಕಂಗಾಲಾದೀತ್ತಿನ ನಡುಟೇ ಅಲ್ಪಲ್ಪ ಬರ್ಸೊಲಾ ಬೈದ್ಂಡ್‌. ಸದ್ಯೊಗು 5 ದಿನೊಟು ದೇಶೊಡ್ ಎಚ್ಚಿನ ಕಡೆಟ್ ತಾಪಮಾನ ನನಲಾ ಜಾಸ್ತಿ ಆವರೆಗುಂಡು ಪಂದ್ ಭಾರತೀಯ ಹವಾಮಾನ ಇಲಾಖೆ ತೆರಿಪಿದ್ಂಡ್.
ಸುಮಾರ್ 2ರ್ದ್ 4 ಡಿಗ್ರಿ ಸೆಲ್ಸಿಯಸ್.ದಾತ್ ತಾಪಮಾನ ಜಾಸ್ತಿ ಆವರೆಗುಂಡು ಪಂದ್ ಇಲಾಖೆ ಪಂತ್ಂಡ್.
ಬರ್ಪಿನ ರಡ್ಡ್ ದಿನ್ಟು ಮಧ್ಯಪ್ರದೇಶ, ಒಡಿಶಾ, ಮಹಾರಾಷ್ಟ್ರ ಬೊಕ್ಕ ಛತ್ತೀಸ್‌ಗಢಡ್ ತೆಡಿಲ್‌ದೊಟ್ಟು ಬರ್ಸ ಬತ್ತ್‌ದ್ ಬೊಕ್ಕ ಕಮ್ಮಿ ಆಪುಂಡು ಪಂದ್ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತುಂಡು.
ಬಿಹಾರ, ಜಾರ್ಖಂಡ್, ಉತ್ತರ ಪ್ರದೇಶ, ಒಡಿಶಾ, ಪಡ್ಡಾಯಿ ಬಂಗಾಳ, ಛತ್ತೀಸ್‌ಗಢ, ಮಹಾರಾಷ್ಟ್ರ, ಗುಜರಾತ್, ಪಂಜಾಬ್ ಮತ್ತು ಹರಿಯಾಣದ ಕೆಲಕಡೆಟ್ ಏಪೊಲರ್ದ್ ಜಾಸ್ತಿ ತಾಪಮಾನ ಏರುನ ಅಂದಾಜಿ ಉಂಡು ಪಂದ್ ಹವಾಮಾನ ಇಲಾಖೆ ಡೈರೆಕ್ಟರ್ ಜನರಲ್ ಮೃತ್ಯುಂಜಯ್ ಮಹಾಪಾತ್ರ ಪಂಡೆರ್.