Last updated on April 10th, 2023 at 11:35 am
ತುಳುನಾಡ್‌ದ ಜೀವಸಿಲೆ ಪನ್ಪಿ ಪುದರ್‌ದ ನೇತ್ರಾವತಿ ತುದೆ ಉಬಾರ್‌ದಲ್ಪ ಪೂರಾ ಬಚ್ಚಿದ್ ಆಜಿದ್ ಪೋತುಂಡು. ರಾಮದೊಂಬುದ ಪೆಟ್ಟ್‌ಗೇ ತೊಟ್ಟು ಸೀರ್‌ದ ಪಸೆ ದಾಂತಿಲೆಕ್ಕ ತುದೆ ಆಜಿದ್ಂಡ್. ಕರ್ನ ನಾಲ್ ವರ್ಸೊಡು ಉಂದು ರಡ್ಡನೇ ಸಲ ಇಂಚ ತುದೆ ಬಚ್ಚಿದ್ ನೆಲ ತೋಜಿನವು. ಪರ್ಪಿ ನೀರ್‌ಗ್ಲಾ ಎತ್ವಾರ ಬರು ಪನ್ಪಿ ಪೋಡಿಗೆ ದಿನೊರ್ಗು ದಿನ ಎರ್ತೆ ಆವೊಂದುಂಡು. ಅಲ್ಪನೇ ಕೈತಲ್ದ್ ಕುಮಾರಧಾರ ತುದೆನ್ ಗೋಡಿಬೊಕ್ಕ ನೇತ್ರಾವತಿ ಪರಪುವೊಲು ಆಂಡ ಕುಮಾರದಾರಗ್ ಗೋಡ್ಯೊರ್ದು ದುಂಬು ಆಲ್ ಆಜಿದ್ ಪೋತೊಲು. ಅಲ್ಪಲ್ಪ ಒಂತೆ ಬರ್ಸ ಬೂರ್ದಿತ್ತ್ಂಡಲಾ ಬರ್ಸದ ನೀರ್ ಆಜಿದ್ ಪೋತುಂಡು. ಇತ್ತೆ ಅಲ್ಪಲ್ಪ ಪೊಯ್ಯೆದ ಗುಂಡಿ ತೋಡ್‌ದ್ ನೀರ್ ಉಂತುಲೆಕ್ಕ ಮಲ್ದ್ಂಡ್, ಅಂಚಾದ್ ತುದೆಕುಲೆ ಸಂಗಮದ ಪವಿತ್ರ ಕ್ಷೇತ್ರೊಗು ಬರ್ಪಿ ಭಕ್ತಾದಿಲೆಗ್ ಒಂತೆ ಉಪಕಾರ ಆವೊಂದುಂಡು.