Last updated on April 11th, 2023 at 10:01 pm
ಒಡಿಪು ಜಿಲ್ಲೆದ ಒಟ್ಟು 5 ಕ್ಷೇತ್ರೊಲೆನ ಅಭ್ಯರ್ಥಿಲೆನೆಟ್ ಕಡೀರ್ದ ಪಟ್ಟಿಡ್ 4 ತಾನೊ ತಿಕ್ಕ‌ದ್ಂಡ್. ಕುಂದಾಪುರ ವಿಧಾನಸಭಾ ಕ್ಷೇತ್ರೊಗು ಕಿರಣ್ ಕೊಡ್ಲಿ, ಕಾರ್ಕಳ ಸುನೀಲ್ ಕುಮಾರ್ , ಕಾಪು ಸುರೇಶ್ ಶೆಟ್ಟಿ ಗುರ್ಮೆ, ಒಡಿಪುಡು ಯಶಪಾಲ್ ಸುವರ್ಣೆರೆಗ್ ಟಿಕೆಟ್ ಘೋಷಣೆ ಆತ್ಂಡ್.
ಬೇತೆ ಜಿಲ್ಲೆಲೆನ್ ತೂಪುಂಡ ಶಿಗ್ಗಾವಿ ಬಸವರಾಜ ಬೊಮ್ಮಾಯಿ, ನರಗುಂದ -ಸಿಸಿ ಪಾಟೀಲ್, ಧಾರವಾಡ-ಅಮೃತ ದೇಸಾಯಿ, ಹಿರೇಕೇರೂರು – ಬಿ.ಸಿ ಪಾಟೀಲ್, ಬಳ್ಳಾರಿ ಗ್ರಾಮೀಣ ಶ್ರೀರಾಮುಲು, ಶಿರಸಿ ವಿಶ್ವೇಶ್ವರ ಹೆಗಡೆ ಕಾಗೇರಿ, ಮುಧೋಳ -ಗೋವಿಂದ ಕಾರಜೋಳ, ಶಿಕಾರಿಪುರ – ಬಿ.ವೈ ವಿಜಯೇಂದ್ರ ಪದ್ಮನಾಭನಗರ ಅಂಚೆನೇ ಕನಕಪುರೊರ್ದು ಆರ್.ಅಶೋಕ್‌ಗ್ ಟಿಕೆಟ್ ತಿಕ್ಕ್‌ದ್ಂಡ್. ಕನಕಪುರೊಟು ಡಿಕೆಶಿ ನ ಎದ್ರ್ ಗಟ್ಟಿದ ಅಭ್ಯರ್ಥಿನ್ ಕಲೊಕು ಜಪ್ಪವೊಡು ಪಂದ್ ಆರ್ ಅಶೋಕ್ ಈ ಸರ್ತಿ ಕನಕಪುರೊರ್ದುಲಾ ಸ್ಪರ್ಧೆ ಮನ್ತೊಂದುಲ್ಲೆರ್.
ಈ ಸರ್ತಿ ಬಿಜೆಪಿ 52 ಪೊಸ ಮೋನೆಲೆನ್ ಕಲೊಕು ಜಪ್ಪುಡುದುಂಡು. ಬಿಜೆಪಿ ಅಭ್ಯರ್ಥಿಲೆನ ಪಟ್ಟಿಡ್ 8 ಪೊಂಜೊವುಲೆಗ್ ಅವಕಾಶ ಕೊರ್ತೂಂಡು. ಪಿರ ಒರಿದಿನಕಲೆನ ವರ್ಗ 32, ಎಸ್ಸಿ 30 ಬೊಕ್ಕ ಎಸ್ಟಿ ಸಮುದಾಯೊದ 16 ಅಭ್ಯರ್ಥಿಲೆಗ್ ಅವಕಾಶ ಕೊರ್ತುಂಡು.