Last updated on April 12th, 2023 at 09:57 am
ಹಾಲಾಡಿ ಶ್ರೀನಿವಾಸ ಶೆಟ್ರ್ ಸ್ವಯಂ ನಿವೃತ್ತಿ ದೆತೊನಿನೆರ್ದಾವರ ಅರೆನ್ ಬುಡುಂಡ ನಾಲ್ ಶಾಸಕೆರೆಗ್ ತುಳುನಾಡ್‌ಡ್ ಬಿಜೆಪಿಗ್ ಸೀಟ್ ತದ್ದ್ಂಡ್. ಒಡಿಪುಡು ಸುನೀಲ್ ಕುಮಾರ್ ಬುಡುಂಡ ಬೊಕ್ಕ ಮಾತಾ ಪೊಸ ಅಭ್ಯರ್ಥಿಲೆಗ್ ಟಿಕೆಟ್ ತಿಕ್ಕ್‌ದ್ಂಡ್. ರಘುಪತಿ ಭಟ್ ಬೊಕ್ಕ ಲಾಲಾಜಿ ಮೆಂಡನ್ ಮೊಕಲೆಗ್ ಟಿಕೆಟ್ ತಿಕ್ಕಿಜಿ. ದಕ್ಷಿಣ ಕನ್ನಡ ಜಿಲ್ಲೆಡ್ ಕರ್ನ ಸಲತ ಐನ್ ಜನ ಶಾಸಕೆರೆಗ್ ಸೀಟ್ ಆತ್ಂಡ್, ಬೊಕ್ಕ ರಡ್ಡ್ ಜನಕ್ ಪಂಡ ಪುತ್ತೂರುದ ಸಂಜೀವ ಮಠಂದೂರು ಬೊಕ್ಕ ಸುಳ್ಯದ ಅಂಗಾರರೆಗ್ ಸೀಟ್ ತತ್ತ್ ಪೋಂಡು. ಈ ರಡ್ಡ್ ಕ್ಷೇತ್ರೊಲೆಡ್ಲಾ ಪೊಂಜೊವುಲು ಅಭ್ಯರ್ಥಿಲಾದುಲ್ಲೆರ್. ಸುಳ್ಯದ ಅಂಗಾರೆರ್ ಆಜಿ ಸಲ ವಿಧಾನಸಭೆಕ್ ಗೆಂದ್‌ದ್ ಬೈದಿನ ಅಭ್ಯರ್ಥಿ ಮಾತ್ರ ಅತ್ತಂದೆ ಸಚಿವೆಲಾ ಆದಿತ್ತೆರ್.