Last updated on April 12th, 2023 at 08:51 am
ಬಂಟ್ವಾಳ:ಪಿಯುಸಿ ವಿದ್ಯಾರ್ಥಿಯೊರಿ ತನ್ನ ರಜೆತ ಪೊರ್ತುಡು ಗೂವೆಲ್ ತೋಡ್‌ದ್ ಸುದ್ದಿ ಆತೆ. ಜವನನ ಕಜ್ಜೊಗು ಮಾತೆರ್ಲಾ ಬೆರಿ ಬೊಟ್ಟೊಂದುಲ್ಲೆರ್.
ನರಿಕೊಂಬು ನಾಯಿಲದ ಲೋಕನಾಥ್ ಪನ್ಪಿನಾರೆನ ಮಗೆ, ಪಿಯುಸಿ ವಿದ್ಯಾರ್ಥಿ ಸೃಜನ್ ಗೂವೆಲ್ ತೋಡ್ದಿನ ವಿದ್ಯಾರ್ಥಿ.
ಸೃಜನ್‌ನ ಇಲ್ಲಗ್ ನಲ್ಲಿಡ್ ನೀರ್ ಬರೊಂದಿತ್ತ್ಂಡ್. ಆಂಡ ಇಲ್ಲಗ್ ನೀರ್‌ದ ಒಂಜೇ ಆಶ್ರಯ ಆದಿತ್ತಿನ ನಲ್ಲಿಡ್ ನೀರ್ ಬತ್ತಿಜಿಂಡ ಮಸ್ತ್ ಬಂಙ ಆವೊಂದಿತ್ತ್ಂಡ್.
ಸೃಜನ್ ಯಾನ್ ಗೂವೆಲ್ ತೋಡುವೆಂದ್ ಪನೊಂದಿತ್ತೆ. ಆಂಡ ಇಲ್ಲದಕುಲು ಅವಕಾತ್ ಗೇನ ಕೊರ್ದಿಜ್ಜಂಡ್. ಸೃಜನ್ ಪ್ರಥಮ ಪಿಯುಸಿ ಪರೀಕ್ಷೆರ್ದ್ ಬೊಕ್ಕ ರಜೆಟ್ ಒರಿಯೇ ಗೂವೆಲ್ ತೋಡೆರೆ ಸುರು ಮಲ್ದೆ. ಇತ್ತೆ ಗೂವೆಲ್ ತೋಡ್ದಿನ ಸೃಜನ್‌ಗ್ ಕರಿನ ವಾರೊಡು ಬೋಡಾಯಿನಾತ್ ನೀರ್ ತಿಕ್ಕ್‌ದ್ಂಡ್.
ಗೂವೆಲ್ ಗುಂಡಿ ಆಯಿಲೆಕಾನೆ ಮೂಜಿ ನಾಲ್ ಬಟ್ಟಿಡ್ ಮಣ್ಣ್ ದಿಂಜಾದ್ ಬೊಕ್ಕ ಮಿತ್ತ್ ಬತ್ತ್‌ದ್ ಅವೆನ್ ಒರಿಯೇ ಮಿತ್ತ್ ಒಯ್ತೊಂದಿತ್ತೆ. ಸೃಜನ್‌ಗ್ ಸುಮಾರ್ 24 ಫೀಟ್ ಗುಂಡಿಡ್ ನೀರ್ ತಿಕ್ಕ್‌ದ್ಂಡ್. ಇತ್ತೆ 3 ಫೀಟ್‌ದಾತ್ ನೀರ್ ದಿಂಜಿದ್ಂಡ್.