Last updated on April 15th, 2023 at 07:38 am
ಪುತ್ತೂರುಡು ರಾಜಕೀಯ ಪಲ್ಲಟ ದಿನೊರ್ದು ದಿನ ರಂಗೇರೊಂದುಂಡು. ಬಿಜೆಪಿ ಪಕ್ಷದ ಟಿಕೆಟ್ ಆಕಾಂಕ್ಷಿಯಾದಿತ್ತಿನ ಪ್ರಕರ ಹಿಂದೂವಾದಿಗ್ ಟಿಕೆಟ್ ಕೊರಂದೆ ಜಾತಿ ಆಧಾರೊಡು ಆಶಾ ತಿಮ್ಮಪ್ಪ ಗೌಡ ಮೆರೆಗ್ ಟಿಕೆಟ್ ಕೊರ್ತೆರ್ ಪನ್ಪಿನ ಮಲ್ಲ ಆರೋಪೊನು ಅರುಣೆರ್ನ ಜನಕುಲು ಮಲ್ದಿತ್ತೆರ್. ಮಾತ್ರ ಅತ್ತಂದೆ ಅರುಣೆರ್ ಸ್ವತಂತ್ರ ಅಭ್ಯರ್ಥಿಯಾದ್ ಉಂತೊಡು ಪನ್ದ್ ಒತ್ತಡ ಪಾಡ್ದಿತ್ತೆರ್. ಈ ಬಗೆಟ್ ತುರ್ತು ಸಭೆ ಲೆತ್ತ್ ಪಾತೆರಕತೆ ಮಲ್ದಿತ್ತೆರ್. ಅರುಣ್ ಕುಮಾರ್ ಪುತ್ತಿಲ ಮೇರ್ ಸ್ವತಂತ್ರ ಅಭ್ಯರ್ಥಿಯಾದ್ ಎಪ್ರೀಲ್ 17ಕ್ಕ್ ನಾಮಪತ್ರ ಕೊರಿಯರೆ ಉಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್.
ಬಿಜೆಪಿರ್ಡ್ ಆಶಾ ತಿಮ್ಮಪ್ಪ ಗೌಡ ಅಂಚೆನೆ ಜೆಡಿಎಸ್ ರ್ದ್ ಚಂದ್ರಪ್ರಭಾ ಮೇರ್ ಉಂತುವೆರ್. ಕಾಂಗ್ರೇಸ್ ಟಿಕೆಟ್ ನನಲ ಘೋಷಣೆ ಆತಿಜಿ ಅಶೋಕ್ ರೈ ಇಜಿಂಡ ಶಕುಂತಲಾ ಶೆಟ್ಟಿಗ್ ಟಿಕೆಟ್ ತಿಕ್ಕುಲೆಕ್ಕ ಉಂಡು. ಒಟ್ಟುಡು ಈ ಸಲದ ಪುತ್ತೂರುದ ಓಟುದ ಕಲ ಮಲ್ಲ ಮಲ್ಲ ಪೈಲ್ವಾನೆರೆರ್ದ್ ದಿಂಜಿದ್ಂಡ್.