Last updated on April 18th, 2023 at 08:18 am
ಐನ್ ಜನ ಜಡ್ಜ್ ನಕಲೆನ ಬೆಂಚ್ ಸಲೈಂಗಿಕ ಮದ್ಮೆದ ಬಗೆಟ್ ಬತ್ತಿನ ಪೆಟಿಷನ್‌ದ ಬಗೆಟ್ ವಿಚಾರಣೆ ಇನಿರ್ದ್ ಶುರು ಮಲ್ಪರೆ ಉಲ್ಲರೆ. ಭಾರತೊಡು ಒಂಜೇ ರೀತಿದ ಲಿಂಗದಕುಲು ಪಂಡ ಆನುನು-ಆನುಲು, ಪೊಣ್ಣುಲು-ಪೊಣ್ಣುಲು ಮದ್ಮೆ ಆಯೆರ್ಡ ಅವೆಕ್ ಕಾನೂನುದ ಮಾನ್ಯತೆ ಇತ್ತಿಜಿ. ಕಾನೂನು ಮಾನ್ಯತೆ ಕೊರ್ಪಿನ ಬಗೆಟ್ ಸುಪ್ರೀಂ ಕೋರ್ಟ್ ವಿಚಾರಣೆ ದೆತೊಂದುಂಡು. ಸಲೈಂಗಿಕ ಕ್ರಿಯೆ ಕ್ರಿಮಿನಲ್ ಪನ್ದ್ ಇತ್ತಿನ ಸೆಕ್ಷನ್ ಡಿಕ್ರಿಮಿನಲೈಸ್ ಆತ್ಂಡ್, ಇತ್ತೆ ಸಲೈಂಗಿಕ ಮದ್ಮೆದ ಪೆಟಿಷನ್ ಆಂಡ್, ಸಲೈಂಗಿಕ ದಂಪತಿಲುಲಾ ಸಮಾಜೊಡು ತರೆದೆರ್ತ್ ನಡಪೊಡು ಪನ್ಪಿನ ಪುನೆಪುಡು ಸುಮಾರ್ 15 ಪೆಟಿಷನ್ಲು ಬೈದ. ಸುಮಾರ್ 50ರ್ದುಲಾ ದಿಂಜ ದೇಶೊಲೆಡ್ ಸಲೈಂಗಿಕ ದಂಪತಿಲೆಗ್ ಜೋಕುಲೆನ್ ದತ್ತೊಗು ಪತ್ತುನ ಅವಕಾಶ ಉಂಡು. ಸಲೈಂಗಿಕ ಜನಕುಲು ಜೋಕುಲೆನ್ ಎಡ್ಡೆಡ್ ತೂಪೆರ್ ಪನ್ಪಿನವು ಬೇತೆ ಬೇತೆ ಅಧ್ಯಯನೊಲು ವರದಿ ಮಲ್ದ್ಂಡ್. ಪೆಟಿಷನ್‌ದಕುಲು ಬದುಕುನ ಹಕ್ಕ್, ವಯಕ್ತಿಕ ಸ್ವಾತಂತ್ರ್ಯದ ಹಕ್ಕ್ ಇಂಚಿನ ಕೆಲವು ಸಂವಿಧಾನದ ಹಕ್ಕ್‌ಲೆನ ಅಡಿಟ್ ಈ ಕೇಸ್‌ಡ್ ವಾದೊಲೆನ್ ಮಲ್ಪರೆ ಉಲ್ಲೆರ್.