ಎಲ್ಲೆ ನಾಮಿನೇಷನ್‌ಗ್ ಅಕೇರಿದ ದಿನ, ನನಲ ಬಡಕಾಯಿ ಕುಡ್ಲ ಕ್ಷೇತ್ರೊಗು ಅಭ್ಯರ್ಥಿ ಘೋಷಣೆ ಮಲ್ಪಂದಿನ ಕಾಂಗ್ರೇಸ್

Last updated on April 19th, 2023 at 07:03 am

ಬಡಕಾಯಿ ಕುಡ್ಲಡ್ ಬಿಜೆಪಿರ್ದ್ ಡಾ॥ ಭರತ್ ಶೆಟ್ಟಿ ಮೇರ್ ಓಟುದ ಕಲೊಕು ಜೈದೆರ್ ಆಂಡ ಕಾಂಗ್ರೇಸ್‌ರ್ದ್ ನನಲ ಏರ್ ಪನ್ದ್ ತೆರಿದ್ ಬೈಜಿ. ಕೋಡೆ ಬುಡುಗಡೆ ಆಯಿನ ಕಾಂಗ್ರೇಸ್ ಅಭ್ಯರ್ಥಿಲೆನ ಪಟ್ಟಿಲೆಡ್ಲಾ ಕುಡ್ಲ ಬಡಕಾಯಿದ ಸುದ್ದಿ ಇಜ್ಜಿ. ನಾಮಿನೇಷನ್ ಕೊರಿಯರೆ ಎಲ್ಲೆ ಅಕೇರಿದ ದಿನ ಆಯಿನೆರ್ದಾವರೆ ನನಲ ಅಭ್ಯರ್ಥಿ ಘೋಷಣೆ ಮಲ್ಪಂದಿನ ಅಲ್ಪದ ಟಿಕೆಟ್ ಆಕಾಂಕ್ಷಿಲೆಗ್ ಮಲ್ಲ ಗೊಂದಲ ಕನದ್ಂಡ್. 2013ಟ್ಟ್ ಮುಲ್ಪ ಕಾಂಗ್ರೇಸ್‌ರ್ದ್ ಮೊಯಿದ್ದಿನ್ ಬಾವಾ ಮೇರ್ ಗೆಂದ್‌ದಿತ್ತೆರ್. ಈಯೊಡುಲಾ ಅರೆಗೇ ತಿಕ್ಕುಂಡಾ ಪನ್ದ್ ತೂವೊಡು. ಇನಾಯತ್ ಅಲಿ ಮೆರೆನ ಪುದರ್ಲಾ ಆಕಾಂಕ್ಷಿಲೆನ ಪಟ್ಟಿಡ್ ಇತ್ತ್ಂಡ್.