ಶ್ರೀ ಮಹಮ್ಮಾಯೀ ಭಜನಾ ಮಂದಿರದ ಐನನೇ ವರ್ಧಂತ್ಯುತ್ಸವದ ಲೆಕ್ಕೊಡು ನಗರ ಭಜನೆ ಬೊಕ್ಕ ಮಂಗಲೋತ್ಸವ

Last updated on April 19th, 2023 at 11:45 am

ಶ್ರೀ ಮಹಮ್ಮಾಯೀ ಭಜನಾ ಮಂದಿರ, ನಾಗವನ – ಕುಂಟ್ರಕಲ ಉಂದೆತ ಐನನೇ ವರ್ಧಂತ್ಯುತ್ಸವ ಲೆಕ್ಕೊಡು ಇಲ್ಲ್ ಇಲ್ಲಡ್ ಭಗವದ್ಭಕ್ತೆರ್ನ ಸಹಕಾರದೊಟ್ಟುಗು, ನಗರ ಭಜನಾ ಸಂಕೀರ್ತನೆ ಶ್ರೀ ಮಹಮ್ಮಾಯೀ ಭಜನಾ ಮಂಡಳಿ (ರಿ.) ನಾಗವನ – ಕುಂಟ್ರಕಲ, ಕೊಳ್ನಾಡು ಗ್ರಾಮ, ಬಂಟ್ವಾಳ ತಾಲೂಕು ಉಂದೆತ ವತಿರ್ದ್ ನಡತ್ಂಡ್.
29 ದಿನ ನಡತಿನ ನಗರ ಭಜನಾ ಸಂಕೀರ್ತನೆಟ್ ಸುಮಾರ್ 447 ಹಿಂದೂ ಇಲ್ಲಲೆಗ್ ಪೋದು ಭಜನಾ ಸೇವೆ ಮಲ್ತೆರ್.

ಮಾತಾ ಇಲ್ಲದಕುಲು ಭಕ್ತಿ ಭಾವರ್ದ್ ಭಜನೆಗ್ ಸೇರ್ದ್, ಮಾತಾ ಇಲ್ಲಲೆಡ್ ಎಡ್ಡೆ ಬೆರಿಬಲ ತಿಕ್ಕ್‌ದ್ಂಡ್.
ಎಲ್ಯ ಜೋಕುಲು ನಗರ ಭಜನೆಡ್ ಬಾರೀ ಉಮೇದ್‌ಡ್ ಪಾಲ್ ಪಡೆಯೆರ್.
ಭಜನಾ ಮಂದಿರಡ್ ಭಜನಾ ಮಂಗಲೋತ್ಸವ ಗೌಜಿಡ್ ಆಂಡ್.

ಮಂಗಲೋತ್ಸವದಾನಿ ಯಮುನಾ ಮೋನಪ್ಪ ನಾಯ್ಕ ಪೂರ್ಲಪ್ಪಾಡಿ – ಪೈಸಾರಿ ಮೊಕಲೆನ ಇಲ್ಲದಕುಲು ಅನ್ನಸಂತರ್ಪಣೆದ ವ್ಯವಸ್ಥೆ ಮಲ್ದಿತ್ತೆರ್.