Last updated on April 22nd, 2023 at 04:09 pm
ಕುಡ್ಲ: ಕ್ಯಾಮೆರಾ ಮಾರುನೆತ ಬಗ್ಗೆ ಫೇಸ್‌ಬುಕ್‌ಡ್ ಅಡ್ವರ್ಟೈಸಿಂಗ್ ಕೊರ್ದು ಒರಿಯರ್ದ್ 1.12 ಲಕ್ಷ ರೂಪಾಯಿ ಕಡಪುಡೊಂದು ದಗೆ ಮಲ್ದಿನ ಬಗ್ಗೆ ಕುಡ್ಲದ ಸೆನ್‌ ಸ್ಟೇಷನ್‌ಡ್ ಪ್ರಕರಣ ದಾಕ್ಲಾತ್ಂಡ್.
ಒಯಿಲ್ ಕೊರ್ತಿನಾರ್ ಎಪ್ರಿಲ್ 19ದಾನಿ ಕಾಂಡೆ ಫೇಸ್‌ಬುಕ್‌ ತೂವೊಂದುಪ್ಪುನಗ ಅವೆತ ‘ಮಾರ್ಕೆಟ್‌ ಪ್ಲೇಸ್‌’ ಪೇಜ್‌ಡ್ ಕ್ಯಾಮೆರಾ ಮಾರುನೆತ ಬಗ್ಗೆ ಅಡ್ವರ್ಟೈಸ್‌ಮೆಂಟ್ ಇತ್ತ್ಂಡ್. ಅವೆಟಿತ್ತಿನ ಮೊಬೈಲ್‌ ನಂಬರ್‌ಗ್ ಒಯಿಲ್‌ಕೊರ್ತಿನಾರ್ ಪುರಾಪು ಬರೆದ್ ಕಡಪುಡ್ದಿತ್ತೆರ್. ಅವೆರ್ದ್ ಬೊಕ್ಕ ಆರೆಗ್ ಬೇತೆ ಬೇತೆ ಮೊಬೈಲ್‌ ನಂಬರ್‌ಲೆರ್ದ್ ಕಾಲ್ ಬರೊಂದಿತ್ತ್ಂಡ್. ಬಗೆಬಗೆತ ನೆವನೊಲೆನ್ ಪಂಡ್‌ದ್ ಹಂತ ಹಂತೊಡು ಆರೆನ ಅಕೌಂಟ್‌ರ್ದ್ ₹ 1,12,803 ಕಡಪುಡೊಂದೆರ್. ಆಂಡ ಕ್ಯಾಮೆರಾನ್ ಕಡಪುಡಂದೆ ದಗೆ ಮಲ್ದೆರ್ಂದ್ ಒಯಿಲ್‌ಡ್ ತೆರಿಪಾದೆರ್.