Last updated on April 24th, 2023 at 07:29 am
ಇನ್‌ಸ್ಟಾಗ್ರಾಂಡ್ ಕುಂಟು ಆರ್ಡರ್ ಮಲ್ತಿನ ಜನ ಒರಿಯನ ಬ್ಯಾಂಕ್‌ರ್ದ್ 80,560 ರೂ ವರ್ಗಾವಣೆ ಮಲ್ತಿನ ಬಗೆತ ಒಯಿಲ್ ಒಂಜಿ ಕುಡ್ಲ ಸೆನ್ ಅಪರಾಧ ಠಾಣೆಡ್ ವರದಿ ಆತ್ಂಡ್.
ಮಾರ್ಚ್ 22ಕ್ಕ್ P7_allure ಪನ್ಪಿ ಪುದರ್ದ ಎಕೌಂಟುರ್ದ್ ವ್ಯಕ್ತಿ ಒರಿ ಕುಂಟು ಆರ್ಡರ್ ಮಲ್ದಿತ್ತೆರ್. ಸುಮಾರ್ ದಿನ ಆಂಡಲಾ ಪಾರ್ಸೆಲ್ ಇಲ್ಲಗ್ ಬೈದಿತ್ತಿಜಿ. ಎಪ್ರೀಲ್ 18ಗು ಗುರ್ತದಾಂತಿನ ನಂಬರ್‌ಡ್ ಲೆಪ್ಪು ಕೊರ್ದು ಪಾತೆರಿನ ಜನ ಪಾರ್ಸೆಲ್ ಬರ್ಪುಂಡು ಪನ್ದ್ ತೆರಿಪಾದ್, ಟ್ರ್ಯಾಕ್ ಮಲ್ಪರೆ ಲಿಂಕ್ ಕಡಪುಡುವ ಪನ್ದ್ ಒಂಜಿ ಲಿಂಕ್ ಕಡಪುಡಿಯೆರ್. ಅವ್ ಲಿಂಕ್‌ನ್ ಒತ್ತಿನ ಜನತ ಎಕೌಂಟುರ್ದ್ ಪೊರ್ತು ಪೊರ್ತುಗು 50,000 ಬೊಕ್ಕ 30,560 ರೂ ಪೋತುಂಡು. ಉಂದೆತ ಬಗೆಟ್ ಬ್ಯಾಂಕ್‌ಡ್ ತೆರಿನಗ ಮೋಸೊಡು ಪನವು ಪತ್ತಾಯಿನ ಬಗೆಟ್ ತೆರಿದ್ ಬತ್ತ್ಂಡ್. ಈ ಬಗೆಟ್ ಕುಡ್ಲಡ್ ಪ್ರಕರಣ ಬೂರ್ದುಂಡು.