ತಾಂತ್ರಿಕ ದೋಷೊರ್ದು ಉರ್ಪೆಲ್ ಅರಿ ಕೊರಿಯರೆ ಆದಿತ್ತಿಜಿ, ಸರಕಾರ ಈ ದೋಷೊನು ದೆತ್ತ್ ಬರ್ಪಿ ದಿನೊಟು ಉರ್ಪೆಲ್ ಅರಿ ಕೊರ್ಪುಂಡು : ಕೋಟ ಪೂಜಾರಿ

Last updated on April 26th, 2023 at 02:21 pm

ತುಳುನಾಡ್‌ದ ಜಿಲ್ಲೆಲೆಡ್ ರೇಷನ್‌ಡ್ ಉರ್ಪೆಲ್ ಅರಿ ಕೊರ್ರೆ ಸರಕಾರ ಬದ್ಧವಾದುಂಡು ಪನ್ದ್ ಕೋಟ ಶ್ರೀನಿವಾಸ ಪೂಜಾರ್ಲು ಪಂಡೆರ್. ಕೆಲವೆರ್ ಈ ನಿರ್ಧಾರೊನು ಟೀಕೆ ಮಲ್ದಿತ್ತೆರ್ಡಲಾ ಈ ನಿರ್ಧಾರೊನು ಸಮರ್ಥನೆ ಮಲ್ತಿನ ಕೋಟ ಶ್ರೀನಿವಾಸ ಪೂಜಾರ್ಲು ತುಳುನಾಡ್‌ಡ್ ಉರ್ಪೆಲ್ ಅರಿ ಬಂಜಿದ ಪಡಿ ಪನ್ದ್ ಪಂಡೆರ್. ಉರ್ಪೆಲ್ ಅರಿ ಕೊರ್ಪಿನ ಸರಕಾರದ ನಿರ್ಣಯ ಆತ್ಂಡ್, ಒಂತೆ ತಾಂತ್ರಿಕ ದೋಷೊರ್ದು ಉಂದು ಪಿರ ಬೂರ್ದಿತ್ತ್ಂಡ್. ಉಂದೆತ ದೋಷೊಲೆನ್ ಕರಿತ್ ಸರಕಾರ ಬರ್ಪಿ ದಿನೊಟು ಉರ್ಪೆಲ್ ಅರಿ ಕೊರ್ಪುಂಡು ಪನ್ದ್ ಪಂಡೆರ್.