ಕಟಪಾಡಿ ಉಚ್ಚಿಲಡ್ ಎಲ್ಲೆ ರಾಹುಲ್ ಗಾಂಧಿ ರೋಡ್ ಶೋ

Last updated on April 26th, 2023 at 05:43 pm

ರಾಹುಲ್ ಗಾಂಧಿ ಮೇರ್ ಎಲ್ಲೆ ಕಾಪು ಕ್ಷೇತ್ರದ ಉಚ್ಚಿಲಗ್ ಬತ್ತ್, ಉಚ್ಚಿಲ ಮಹಾಲಕ್ಷ್ಮಿ ದೇವಲ್ಯದ ಶಾಲಿನಿ ಜಿ. ಶಂಕರ್ ಸಭಾಭವನೊಡು ನಡಪುನ ಮೀನುಗಾರೆರ್ನ ಒಟ್ಟುಗು ನಡಪುನ ಸಂವಾದ ಲೇಸ್ಡ್ ಪಾಲೇ ಪಡೆಯರೆ ಉಲ್ಲೆರ್ ಪನ್ದ್ ವಿನಯ ಕುಮಾರ್ ಸೊರಕೆ ತೆರಿಪಾಯೆರ್.

ಎಲ್ಲೆ ಬಯ್ಯಗ್ 4-30ಕ್ಕ್ ಕಾಪುಗು ಬರ್ಪಿನ ರಾಹುಲ್ ಗಾಂಧಿ, ಕಟಪಾಡಿ ಬೊಕ್ಕ ಉಚ್ಚಿಲಡ್ ನಡಪುನ ರೋಡ್ ಶೋಡು ಪಾಲ್ ಪಡೆವೆರ್. ಮರಕಲೆರೆಗ್ ಬೇಲೆದ ಅನುಸಾರ ಬಿಜೆಪಿ ಸರಕಾರ ಒವ್ವೇ ಸ್ಪಂದನೆ ಮಲ್ದಿಜಿ, ಕಾಂಗ್ರೇಸ್ ಚುಮುನಿದೆಣ್ಣೆಗ್ ಸಬ್ಸಿಡಿ ಕೊರೊಂದಿತ್ತ್ಂಡ್, ಆಂಡ ಕರಿನ 6 ತಿಂಗೊಲುಡು ಚುಮುನ್ದೆಣ್ಣೆದ ಸಬ್ಸಿಡಿಲಾ ಬರೊಂದಿಜ್ಜಿ. ಎಂಕ್ಲೆನ ಸರಕಾರ ಈ ಸಲ ಕರಾವಳಿಗಾದೇ 2500 ಕೋಟಿದ ಪ್ರಣಾಳಿಕೆ ಮಲ್ದ್ಂಡ್. ಉಂದೆಟ್ ಮಾತಾ ಪಿರಒರಿದಿನ ಸಮುದಾಯೊಲೆನ ಬುಲೆಚ್ಚಿಲ್ ಗ್ ಯೋಜನೊಲು ಉಂಡು ಪನ್ದ್ ಪಂಡೆರ್.